سچ خبریں: صہیونی ذرائع ابلاغ نے حزب اللہ کے طاقتور حملوں کی وجہ سے صہیونی فوج کے شمالی محاذ پر جانے کے خوف و ہراس کا اعتراف کیا۔
المیادین چینل کی رپورٹ کے مطابق صہیونی میڈیا نے اطلاع دی ہے کہ 2 ہفتے قبل صہیونی فوج میں مشاہداتی یونٹ کی خواتین سپاہیوں نے شمالی سرحد میں حزب اللہ فورسز کے خلاف صیہونی عناصر کی ناکامیوں اور شکست کے بارے میں خبردار کیا۔
یہ بھی پڑھیں: حزب اللہ نے جنگ کے آغاز سے لے کر اب تک اسرائیل پرکتنے اینٹی آرمر میزائل داغے ہیں؟ صیہونی میڈیا کی زبانی
اس رپورٹ میں کہا گیا ہے کہ ان خواتین فوجیوں کے کمانڈروں نے انہیں حکم دیا ہے کہ اگر وہ اپنی شمالی سرحدوں میں حزب اللہ کی افواج کی موجودگی کو دیکھیں تو وہ بھاگ جائیں۔
صہیونی میڈیا نے اعتراف کیا کہ مذکورہ فوجی ان علاقوں میں حزب اللہ کی موجودگی کے خوف کے باعث شمالی محاذ میں خدمات انجام دینے سے خوفزدہ ہیں۔
غزہ کی پٹی پر صیہونی حکومت کے وحشیانہ حملے کے آغاز کے بعد سے حزب اللہ نے روزانہ کی بنیاد پر راکٹ حملے کرکے اس پٹی میں مقیم مظلوم فلسطینیوں کی بھرپور حمایت کا اظہار کیا ہے۔
اس سے قبل صیہونی ذرائع ابلاغ نے اس علاقے میں حزب اللہ کے حملوں اور عدم تحفظ کے نتیجے میں مقبوضہ شمالی فلسطین کے باشندوں اور صیہونی وزیر اعظم بنیامین نیتن یاہو کی کابینہ کے درمیان کشیدگی میں اضافے کی خبر دی تھی۔
مزید پڑھیں: حزب اللہ کا صیہونیوں کو شدید انتباہ
اس حوالے سے صہیونی ویب سائٹ والہ نے رپورٹ دی ہے کہ غزہ جنگ کے آغاز کے بعد سے شمال میں ہونے والے بدترین سکیورٹی واقعے میں الجلیل کے علاقے پر راکٹ حملے میں ایک شخص کی ہلاکت کے بعد شمال کے رہائشیوں کے درمیان خوف بڑھ گیا ہے۔
دریں اثنا اسرائیلی کابینہ نیتن یاہو کی کابینہ بڑے معاوضے کی ادائیگی کے خوف سے شمالی بستیوں کو خالی کرنے کا سرکاری حکم جاری کرنے سے گریز کرتی ہے۔
