صہیونی حکومت کی بین الاقوامی AI کانفرنس عالمی بائیکاٹ کی زد میں

?️ 4 جنوری 2026

صہیونی حکومت کی بین الاقوامی AI کانفرنس عالمی بائیکاٹ کی زد میں

صہیونی روزنامہ ہاآرتص نے اپنی رپورٹ میں فاش کیا ہے کہ اسرائیل کی جانب سے بین الاقوامی سطح پرتعلیم میں مصنوعی ذہانت کے موضوع پر ایک بڑی کانفرنس منعقد کرنے کی کوشش فضاحت ناک شکست سے دوچار ہوئی ہے۔

رپورٹ کے مطابق، زیادہ تر ممالک نے نوار غزہ میں جاری جنگ کے احتجاج کے طور پر کانفرنس میں شرکت سے انکار کر دیا اور تل ابیب کی دعوت کو رد کیا۔ ہاآرتص نے مزید کہا کہ اسرائیل اس کانفرنس کے انعقاد میں نہایت ناکام رہا کیونکہ بیشتر ممالک نے اپنی عدم شرکت کے ذریعے جنگی پالیسیوں پر احتجاج ظاہر کیا۔

اس رپورٹ کے مطابق، صہیونی وزارتِ تعلیم نے اس کانفرنس کے لیے لاکھوں شیکل خرچ کیے تھے، جو فروری میں قدس اشغالی میں منعقد ہونے والی تھی، لیکن اب یہ سرمایہ کاری سفارتی بن بست میں پھنس گئی ہے۔ دعوت نامے گزشتہ اگست سے مختلف ممالک کے وزرائے تعلیم اور اعلیٰ عہدے داروں کو ارسال کیے گئے تھے، تاہم زیادہ تر نے سیاسی اور سفارتی حالات کی وجہ سے شرکت نہیں کی۔

ایرنا کے مطابق، صہیونی حکومت کی اس کانفرنس کی ناکامی، یورپی ممالک کی جانب سے کنسرٹس کی منسوخی، فنکاروں کا بائیکاٹ، اسرائیل کے یوروویژن سے معطل ہونے کے خدشات، اور سائنسی تعاون میں کمی سمیت دیگر اقدامات کے ذریعے عالمی سطح پر اس کی کمزور ہوتی ہوئی حیثیت کی نشاندہی کرتی ہے۔ ماہرین اس صورتحال کو خاموش بائیکاٹ کے نام سے یاد کر رہے ہیں۔