شہید ہنیہ کی نماز جنازہ میں امیر قطر عرب روایت سے ہٹ کر کیوں نظر آئے؟

سچ خبریں: فلسطینی مزاحمتی تنظیم حماس کے سربراہ اسماعیل ہنیہ کی نماز جنازہ قطر کے دارالحکومت دوحہ میں ادا کی گئی۔

اسماعیل ہنیہ کی نماز جنازہ میں حماس کی قیادت کے علاوہ امیر قطر شیخ تمیم بن حمد آل ثانی اور دیگر اہم شخصیات نے شرکت کی۔

یہ بھی پڑھیں: امیر جماعت اسلامی کا شہید اسماعیل ہنیہ کے بیٹوں سے اظہار تعزیت

سوشل میڈیا پر شہید اسماعیل ہنیہ کی نماز جنازہ کے دوران امیر قطر کی ایک تصویر وائرل ہو رہی ہے، جس میں انہوں نے اپنے سر پر روایتی عرب عقال نہیں پہنا ہوا تھا۔

عقال وہ سیاہ ڈوری ہوتی ہے جسے دوہرا کر کے سر پر اوڑھے جانے والے رومال کو جگہ پر رکھنے کے لیے استعمال کیا جاتا ہے۔

عرب میڈیا کے مطابق، عرب روایات میں اگر کوئی سوگوار شخص جنازے کے دوران سر سے عقال اتار دے تو اس کا مطلب یہ ہوتا ہے کہ وہ اس انتقال کو اپنا ذاتی نقصان سمجھتا ہے۔

مزید پڑھیں: اسرائیل کے ساتھ کیا کرنا چاہیے؟ :خالد مقبول صدیقی

یاد رہے کہ حماس کے سربراہ اسماعیل ہنیہ بدھ کے روز ایرانی دارالحکومت تہران میں ایک اسرائیلی حملے میں شہید ہو گئے تھے۔

وہ ایرانی صدر مسعود پزشکیان کی تقریب حلف برداری میں شرکت کے لیے ایران میں موجود تھے۔