سیف الاسلام قذافی کا قتل

سیف الاسلام قذافی کا قتل

 لیبیا کے سابق حکمران معمر قذافی کے بیٹے سیف الاسلام قذافی کو مسلح افراد نے قتل کر دیا ہے، جس کی تصدیق ان کے سیاسی مشیر عبداللہ عثمان نے کی ہے۔

عبداللہ عثمان نے بتایا ہے کہ نامعلوم مسلح افراد نے سیف الاسلام پر حملہ کیا اور وہ اپنے رہائش گاہ پر ہلاک ہوئے۔ وہ بتاتے ہیں کہ حملہ آوروں نے پہلے سیکورٹی کیمروں کو ناکارہ بنا دیا تھا اور پھر ان کی ذاتی حفاظت میں موجود افراد سے جھڑپ کے بعد سیف الاسلام کو قتل کر دیا۔ ابھی تک کسی گروپ نے اس حملے کی ذمہ داری قبول نہیں کی، اور ذمہ داروں کی شناخت بھی نہیں ہو سکی۔

سیف الاسلام قذافی لیبیا کے سابق حکمران معمر قذافی کے سب سے مشہور بیٹوں میں سے تھے۔ 2011 میں اپنے والد کے نظام کے خاتمے کے بعد وہ ایک طویل عرصہ تک الزنتان میں زیرِ حراست رہے۔ بعد میں رہائی کے بعد وہ دوبارہ سیاسی منظر پر آئے اور 2021 میں صدراتی انتخاب میں حصہ لینے کے خواہشمند بھی تھے، مگر انتخابات آخری لمحات میں منسوخ ہو گئے تھے۔

تعلیم کے اعتبار سے وہ لندن کی اکنامکس یونیورسٹی سے فارغ التحصیل تھے۔ 2011 سے پہلے انہیں لیبیا میں اصلاحات کے حامی سیاسی رہنما کے طور پر دیکھا جاتا تھا۔ ان پر ایک وقت میں سزاۓ موت بھی سنائی گئی تھی، لیکن بعد میں عفو ہو گیا تھا۔