سعودی عرب کی ایک بار پھر صیہونی فوجی طیارے کو اپنی فضائی حدود سے گزرنے کی اجازت

?️ 20 فروری 2022

سچ خبریں:صہیونی میڈیا کا کہنا ہے کہ سعودی عرب نے ایک اسرائیلی فوجی عہدہ دار کو لے جانے والے طیارے کے لیے اپنی فضائی حدود کھول دیں۔
صہیونی میڈیا کی رپورٹ کے مطابق سعودی عرب نے ایک ماہ سے بھی کم عرصے میں دوسری بار اسرائیلی فوجی طیارے کے لیے اپنی فضائی حدود کھولی ہیں۔

عبرانی اخبار اسرائیل ہیوم نے اطلاع دی کہ سعودی عرب نے اسرائیلی فضائیہ کے چیف آف اسٹاف ایویو کوخاوی کو مشرقی سنگاپور جانے کے لیے اپنی فضائی حدود سے پرواز کرنے کی اجازت دے دی ہے، کوخاوی نے سنگاپور ایئر شو کا دورہ کیا، جو 15 فروری کو شروع ہوا اور جمعہ کو ختم ہوا۔

واضح رہے کہ 2 فروری کو اسرائیلی وزیر جنگ بنی گانٹز کا طیارہ سعودی فضائی حدود سے ہوتا ہوں بحرین میں داخل ہوا، قبل ازیں صہیونی میڈیا نے خبر دی تھی کہ اسرائیلی صدر اسحاق ہرزوگ سعودی فضائی حدود سےگزر کر سرکاری دورے پر متحدہ عرب امارات پہنچے ہیں۔

واضح رہے کہ صیہونی حکومت کے ساتھ متحدہ عرب امارات اور بحرین کے درمیان سمجھوتہ کے معاہدے پر دستخط کے بعد آل سعود حکومت کی اس حکومت کے ساتھ سمجھوتہ کرنے اور تل ابیب کے ساتھ تعلقات بڑھانےکی پیاس اس قدر بڑھ گئی ہے کہ اس ملک کے حکام نے بارہا صیہونی غاصبوں کے ساتھ تعلقات استوار کرنے میں اپنی دلچسپی کا اظہار کیا ہے۔