سعودی عرب میں صیہونیوں کے ساتھ سمجھوتے کے مخالفین کی گرفتاریاں

?️ 8 جنوری 2022

سچ خبریں:سعودی عرب کی انسانی حقوق کی تنظیم نے انکشاف کیا ہے کہ سعودی حکومت صیہونی حکومت کے ساتھ تعلقات کو معمول پر لانے کے مخالفین کو حراست میں لے رہی ہے۔
سعودی عرب کی انسانی حقوق کی تنظیم القسط نے انکشاف کیا ہے کہ سعودی حکومت صیہونی حکومت کے ساتھ تعلقات کو معمول پر لانے کے مخالفین کو حراست میں لے رہی ہے،سعودی عرب میں سرگرم انسانی حقوق کے گروپ نے اپنے ٹوئٹر پیج پر ایک پیغام جاری کرتے ہوئے اعلان کیا ہے کہ ” عبدالله الیحیی ” صیہونی حکومت کے ساتھ تعلقات کو معمول پر لانے پر تنقید کرنے کے جرم میں گزشتہ سال 24 دسمبر سے حراست میں سعودی حکام کی حراست میں ہیں۔

واضح رہے کہ فلسطین کی حمایت اور صیہونی حکومت کے ساتھ سمجھوتے کی مخالفت کرنے پر سعودی سیکورٹی فورسز نے اب تک متعدد علماء، طلباء اور سماجی کارکنوں کو گرفتار کیا ہے، رپورٹ کے مطابق چند ماہ قبل (گزشتہ سال اپریل) ریاض کی فوجداری عدالت نے سعودی ٹویٹر کے کارکن عبدالعزیز العودہ کو فلسطین کی حمایت اور سمجھوتے کی مخالفت کرنے کے جرم میں پانچ سال قید کی سزا سنائی تھی۔

صیہونی حکومت کے دیگر مخالفین کی طرح سعودی عرب کی فوجداری عدالت نے بھی ان پر ملک سے باہر جانےپر پابندی لگا دی،ا سی طرح 2019 میں سعودی حکومت نے متعدد سماجی کارکنوں کو گرفتار کیا اور انہیں فلسطین کے بارے میں مزید معلومات شائع نہ کرنے کا عہد کرنے پر مجبور کیا۔