سعودی عرب اور پاکستان کے باہمی دفاعی معاہدے پر دستخط 

سچ خبریں: سعودی ولی عہد شہزادہ محمد بن سلمان اور پاکستان کے وزیر اعظم محمد شہباز شریف کی موجودگی میں آج دونوں ممالک کے درمیان ایک باہمی اسٹریٹجک دفاعی معاہدے پر دستخط ہوئے۔

سعودی خبر ایجنسی ‘واس’ کے مطابق، یہ معاہدہ سعودی عرب اور پاکستان کے درمیان ‘تاریخی شراکت داری’ کے تناظر میں، بھائی چارے، اسلامی یکجہتی کے مضبوط رشتوں، باہمی اسٹریٹجک مفادات اور دفعی تعاون کی بنیاد پر طے پایا ہے۔

واس نے اعلان کیا کہ یہ معاہدہ دونوں ممالک کی سلامتی کو مضبوط بنانے اور خطے اور دنیا میں امن و سلامتی قائم کرنے کی کوششوں کے دائرے میں ہوا ہے۔

سعودی سرکاری خبر ایجنسی کے مطابق، اس معاہدے کا مقصد ریاض اور اسلام آباد کے درمیان دفعی تعاون کے پہلوؤں کو فروغ دینا اور کسی بھی ممکنہ جارحیت کے خلاف مشترکہ روک تھام کو مضبوط بنانا ہے۔

واس نے مزید کہا کہ معاہدہ اس بات کو واضح کرتا ہے کہ دونوں ممالک میں سے کسی ایک پر بھی ہونے والا حملہ دونوں پر حملہ تصور ہوگا۔

کلیدی الفاظ:

سعودی عرب, پاکستان, باہمی دفاعی معاہدہ, اسٹریٹجک دفاعی معاہدہ, محمد بن سلمان, محمد شہباز شریف, دفعی تعاون, خطے میں امن, اسلامی یکجہتی