روس یوکرین تنازع میں ایٹمی جنگ کا خطرہ

🗓️ 16 مارچ 2022

سچ خبریں:اقوام متحدہ کے سکریٹری جنرل کا کہنا ہے کہ روس اور یوکرین کے درمیان جاری جنگ کے ایٹمی جنگ میں تبدیل ہونے کا خطرہ ہے۔
اقوام متحدہ کے سکریٹری جنرل انٹونیو گوترش نے ایٹمی جنگ کا خدشہ ظاہر کرتے ہوئے کہا ہے کہ روسی جوہری فورس کے الرٹ میں اضافہ ایک خوفناک واقعہ ہے جس کی بنا پر اب ایٹمی جنگ کا خطرہ بڑھتا جا رہا ہے۔

انھوں نے اسی طرح یوکرین میں ایٹمی تنصیبات کا تحفظ کئے جانے کی ضرورت پر زور دیا اور کہا کہ یوکرین کے مسئلے پر مصالحت کاری کے لئے کوششوں میں رابطے جاری ہیں،اقوام متحدہ کے سکریٹری جنرل نے کہا کہ اس وقت دسیوں لاکھ لوگوں کو بھوک اور پینے کے پانی نیزدواؤں کی شدید قلت کا سامنا ہے جبکہ اقوام متحدہ نے چار کروڑ ڈالر ہنگامی طور پر انسان دوستانہ امداد کے طور پر یوکرین سے مختص کرنے کا فیصلہ کیا ہے،انھوں نے یہ بھی کہا کہ اس جنگ میں کوئی فاتح نہیں ہو گا۔