روس کے پاس قابل اعتماد ایٹمی ڈھال موجود ہے:پوتین

روس کے پاس قابل اعتماد ایٹمی ڈھال موجود ہے:پوتین

ماسکو: روسی صدر ولادیمیر پوتین نے کہا ہے کہ روس ایک مستحکم اور قابل اعتماد ایٹمی سپر (ڈھال) کا مالک ہے جو قومی سلامتی کی ضمانت ہے۔

روسی صدر نے ملک کی ایٹمی صنعت کی 80ویں سالگرہ کے موقع پر ماہرین، کارکنان اور سابقہ ایٹمی منصوبوں کے بانیان کو خراجِ تحسین پیش کرتے ہوئے کہا کہ ہمیں اپنے ممتاز بانیوں اور کئی نسلوں کے سائنسدانوں، انجینئرز اور ماہرین پر فخر ہے جنہوں نے روس کو یہ عظیم توانائی عطا کی۔

پوتین نے اپنے پیغام میں کہا کہ ان ماہرین کی محنت سے سینکڑوں تحقیقی مراکز، صنعتی ادارے اور ڈیزائن دفاتر قائم ہوئے جنہوں نے ایک جامع سائنسی و صنعتی ڈھانچہ تشکیل دیا اور روس کے لیے ایک ایٹمی سپر قابل اعتماد ڈھال فراہم کی۔

انہوں نے اس اعتماد کا اظہار کیا کہ روسی سائنسدان مستقبل میں بھی بنیادی و عملی تحقیق کو فروغ دیتے رہیں گے اور بین‌المللی تعاون کو مزید مضبوط کریں گے۔

پوتین نے یاد دلایا کہ روس کی ایٹمی صنعت کی بنیاد 1945 میں رکھی گئی جو ملک کی تاریخ میں ایک سنگِ میل ثابت ہوئی۔ ان کے مطابق یہ کامیابی صرف عسکری نہیں بلکہ معیشت، توانائی، صحت اور دفاعی صنعت کے لیے بھی ایک عظیم پیشرفت تھی جس نے روس کو عالمی سطح پر اسٹریٹجک توازن دلایا۔

صدرِ روس نے مزید کہا کہ آج ایٹمی صنعت روس کی تکنیکی صلاحیت کی علامت ہے۔ ادارہ روس اتم نہ صرف جدید ٹیکنالوجی میں آگے بڑھ رہا ہے بلکہ بڑے انفراسٹرکچر منصوبوں پر کام کر رہا ہے، ایٹمی آئس بریکرز کے بیڑے کو جدید بنا رہا ہے اور خلائی منصوبوں میں بھی نمایاں کردار ادا کر رہا ہے۔

پوتین نے ماہرینِ ایٹمی شعبہ سے خطاب کرتے ہوئے کہا کہ آپ ملک کے ان اہم مقاصد کو پورا کر رہے ہیں جن میں معیشت کے کلیدی شعبوں میں جدید ٹیکنالوجی کی شمولیت، بنیادی منصوبوں کی تعمیر نو، آئس بریکرز کی نوسازی اور خلائی تحقیق میں روس کا مؤثر کردار شامل ہے۔