روس کا افغانستان سے امریکی فوجی انخلا کے متعلق اہم بیان

?️ 11 جولائی 2021

سچ خبریں:روس کی سکیورٹی کونسل کے نائب سربراہ کا کہنا ہے کہ امریکہ کو افغانستان کو اس طرح نہیں چھوڑنا چاہئے جس سے اس کی سلامتی خطرے میں پڑ جائے۔
اٹارتاس نیوز ایجنسی کی رپورٹ کے مطابق روس نے امریکہ سے مطالبہ کیا کہ وہ افغانستان چھوڑنے کے لئے ذمہ دارانہ طرز عمل اپنائے، روس کے نائب سکیورٹی کونسلر الیگزینڈر وینڈیکٹوف نے ٹاس کو بتایا کہ امریکہ کوافغانستان سے اپنی فوج کی واپسی کو ذمہ داری کے ساتھ انجام دینا چاہئے تاکہ اس ملک کی سلامتی کو خطرے میں نہ پڑسکے اس لیے کہ روس کے نقطہ نظر سے یہ سب سے اہم مسئلہ ہے۔

انہوں نے مزید کہا کہ امریکی فوج کی واپسی کا افغان بحران (امن مذاکرات) کے حل پر مثبت یا منفی اثر پڑے گا،یہ مسئلہ ثانوی اہمیت کا حامل ہے، وینڈیکٹوف نے کہا کہ یہ تو وقت ہی بتائے گا کہ امریکی فوج کی واپسی کیسے کی گئیلیکن سب سے پہلے ہم اپنے مغربی شراکت داروں خصوصا امریکہ سے مطالبہ کرتے ہیں کہ وہ اس عمل کے لئے ذمہ دارانہ انداز اپنائیں۔

واضح رہے کہ گذشتہ بدھ تک افغانستان سے مبینہ امریکی انخلا کا 90 فیصد مکمل ہونے کے بارے میں کہا گیا تھاجبکہ اس دوران طالبان نے افغانستان میں نمایاں پیشرفت کی ہے اور ایسا معلوم ہوتا ہے کہ واشنگٹن اپنی غیر ذمہ دارانہ انخلا کے ساتھ ہی افغانستان کو خانہ جنگی کی طرف لے جارہا ہے،واضح رہےکہ اس سے قبل چین نےبھی امریکہ کو افغانستان سےامریکہ کے غیر ذمہ دارانہ انخلا کے نتائج سے خبردار کیا ہے اور کہا ہے کہ یہ ملک خانہ جنگی کی طرف گامزن ہے۔