روس نے اٹلی سفارت کاروں کو ملک بدرکیا

سچ خبریں: ماسکو نے کل شام اعلان کیا کہ وہ کی سفارت خانے میں منسلک ویٹوریو باریلا اور ان کے معاون ڈیوائڈ ڈیبریلی کو ناپسندیدہ عناصر قرار دیتا ہے۔

واضح رہے کہ روس کی وزارت خارجہ کے اس حوالے سے جاری کردہ بیان میں زور دیا گیا کہ انہیں اپنے اہل خانہ کے ہمراہ تین دن کے اندر روسی سرزمین چھوڑنی ہوگی۔

روسی وزارت خارجہ نے اپنی سرکاری ویب سائٹ پر شائع کردہ بیان میں وضاحت کی کہ یہ فیصلہ اٹلی سے دو روسی سفارت کاروں کی روانگی کے لیے کی گئی غیربنیاد درخواستوں کا براہِ راست جوابی اقدام ہے۔

اسی سلسلے میں، روسی وزارت خارجہ نے زور دیا کہ روسی سفارت کاروں کے خلاف کوئی بھی دشمنانہ اقدام مناسب جواب کے بغیر نہیں رہے گا۔

ماسکو نے اعلان کیا کہ ہم ایک بار پھر تاکید کرتے ہیں کہ روسی سفارت کاروں کے خلاف کوئی بھی دشمنانہ یا اشتعال انگیز رویہ ہماری طرف سے بلا جواب نہیں رہے گا۔

روسی وزارت خارجہ کی ترجمان ماریا زاخارووا نے بھی خبر رساں ایجنسی اسپوتنک کو انٹرویو میں اٹلی کے ملٹری اتاشی اور ان کے معاون کو بے دخل کرنے کے فیصلے کی وضاحت کرتے ہوئے کہا کہ یہ ایک جوابی کارروائی ہے اور روم کے رویوں کا ردعمل ہے۔

اٹلی کے وزیر خارجہ آنتونیو تاجانی نے 9 جولائی کو اعلان کیا تھا کہ روم نے روسی سفارت خانے کے دو ملٹری اتاشوں کو جاسوسی کی سرگرمیوں میں ملوث ہونے کے الزام میں بے دخل کر دیا ہے۔