رمضان المبارک کے آخر تک صیہونیوں کے مسجد اقصیٰ میں داخلے پر نیتن یاہو کی پابندی

?️ 12 اپریل 2023

سچ خبریں:صیہونی وزیر اعظم نے رمضان المبارک کے آخر تک مسجد الاقصی میں صیہونیوں کے داخلے پر پابندی لگا دی۔

الجزیرہ چینل کی رپورٹ کے مطابق صیہونی حکومت کے میڈیا نے مسجد الاقصی کے حوالے سے صیہونی وزیر اعظم بنیامین نیتن یاہو کے فیصلے کی خبر دی۔

صیہونی حکومت کے چینل 12 نے اعلان کیا ہے کہ نیتن یاہو نے پولیس کو حکم دیا ہے کہ وہ بدھ سے رمضان کے اختتام تک یہودیوں کو مسجد اقصیٰ میں داخل ہونے سے روکیں۔

صیہونی وزیر اعظم کے دفتر نے بھی اعلان کیا ہے کہ رمضان المبارک کے آخر تک مسجد الاقصی میں یہودیوں کے داخلے پر پابندی کے لیے اس حکومت کے سکیورٹی کمانڈروں کی طرف سے سفارش کی گئی تھی۔

دوسری جانب صیہونی حکومت کے داخلی سلامتی کے وزیر بن گوئر نے نیتن یاہو کے فیصلے پر تنقید کرتے ہوئے کہا کہ یہودیوں کو مسجد اقصیٰ میں داخلے سے روکنے کا نیتن یاہو کا فیصلہ ایک سنگین غلطی ہے جو مزید کشیدگی کا باعث بنے گی۔

یاد رہے کہ حال ہی میں صیہونیوں نے مسجد الاقصی کی بے حرمتی کی اور خواتین سمیت وہاں موجود نمازیوں اور اعتکاف کرنے والوں کی شدید زدوکوب کرتے ہوئے نہایت ہی بربریت کا مظاہرہ کیا جس سے پورے عالم اسلام میں صیہونیوں کے خلاف پائی جانے والی نفرت میں شدید اضافہ ہوا یہاں تک کہ وہ ممالک بھی ناراض ہو گئے جو صیہونیوں کے تعلقات معمول پر لانے کے بارے میں سوچ رہے تھے۔