سچ خبریں:بین الاقوامی میڈیا نے اطلاع دی ہے کہ یمنی انصاراللہ کے ڈرون نے سعودی عرب کے دو فوجی ہوائی اڈوں پر حملہ کیا۔
المسیرہ نیوز چینل کی رپورٹ کے مطابق یمنی مسلح افواج کے ترجمان یحیی سریع نے اعلان کیا ہے کہ یمنی فوج کی فورسز کے ایک ڈرون حملے سے جنوبی سعودی عرب میں واقع جیزان ایئر پورٹ اور کنگ خالد ایئر بیس کو نشانہ بنایا گیا ، ترجمان کے مطابق یہ حملے قاصف k2 ڈرون کے ذریعے کیے گئے تھے جو طے شدہ اہداف کو درست طریقے سے مارنے میں کامیاب رہے۔
یحییٰ نے اشارہ کرتے ہوئے کہا کہ سعودی فوجی اڈوں اور ہوائی اڈوں پر حملہ یمن پر سعودی حملے کے جواب میں تھا،تاہم اس سلسلہ میں مزید تفصیلات یا ممکنہ نقصان کی اطلاع ابھی تک منظر عام پر نہیں آئی ہے۔
واضح رہے کہ پچھلے چھ سال سے سعودی عرب نے امریکہ کی حمایت سے اور کچھ دیگر عرب ریاستوں کے ساتھ مل کر غریب عرب ملک کو اپنی جارحیت کا نشانہ بنایا ہوا ہے ، پورے ملک کا محاصرہ کرنے کے ساتھ ساتھ روزانہ کی بنیادپر یہاں بمباری کرتا ہے جس کے نتیجہ میں اب تک سیکڑوں بے گناہ لوگ شہید ہو چکے ہیں جبکہ ہزاروں کے تعداد میں زخمی ہوئے ہیں جن میں زیادہ تر خواتین اور بچے شامل ہیں تاہم اقوام متحدہ سمیت پوری عالمی برادری نے اس انسانیت جارحیت پر مجرمانہ خاموشی اختیار کی ہوئی ہے اور تماشا دیکھ رہی ہے ادھراب جب یمنی عوام اپنے دفاع میں کچھ کرتے ہیں اور عربی اور مغربی میڈیا میں ایک ہاہا کار مچ جاتی ہے ہیں کہ بے گناہ لوگ مارے جارہے اور یمنیوں کو طرح طرح کی دھمکیاں دی جانے لگتی ہیں لیکن یعنی عوام کا کہنا ہے کہ جب تک سعودی جارحیت جاری رہے گی ہم بھی اپنا دفاع کرتے رہیں گے اور سعودی عرب کے اندر اہداف کو نشانہ بناتے رہیں گے۔
