سچ خبریں:عراقی فضائیہ نے داعش کے خلاف اہم کاروائی کرتے ہوئے اس ملک کے صوبہ کرکوک میں اس دہشتگرد تنظیم کے دو خفیہ ٹھکانے تباہ کردیے۔
روسیا الیوم کی رپورٹ کے مطابق عراقی فضائیہ کے لڑاکا طیاروں نےاس ملک کے صوبہ کرکوک میں واقع قوشقایه علاقے میں داعش کے خفیہ ٹھکانوں پربمباری کی جس کے نتیجے میں داعش کے 2 خفیہ ٹھکانے تباہ ہو گئے، یادرہے کہ عراق اور شام میں داعش کی شکست کے بعد سے امریکی فوجی اس دہشت گرد گروہ کے باقی بچے عناصر کو اپنی نگرانی میں ایک جگہ سے دوسری جگہ منتقل کرتے چلے آرہے ہیں جبکہ عراقی فوج اور عوامی تنظیم عوامی تنطیم الحشد الشعبی نے اپنے ملک کے داعش کا مکمل صفایا کرنے کی ٹھان رکھی ہے اور وہ اس کے لیے آئے دن کاروائیاں کررہے ہیں۔
واضح رہے کہ اگرچہ عراق نے 2017 میں داعش کی شکست اور اپنے ملک سے اس دہشت گرد گروہ کے خاتمہ کا باقاعدہ اعلان کیا تھا، لیکن اس گروہ کے باقی بچے عناصر اب بھی بعض علاقوں میں موجود ہیں اور گاہ بہ گاہ عراقی عوام اور سکیورٹی اہلکاروں پر حملے کرتے رہتے ہیں جبکہ دوسری طرف عراقی فوج اور عوامی رضاکار فورس الحشد الشعبی ملک بھر میں داعش کے باقی بچے عناصر کا تعاقب کر رہی ہیں۔