خطے میں بیروںی مداخلت ہرگز برداشت نہیں:ایرانی سپاہ پاسداران

🗓️ 7 ستمبر 2022

سچ خبریں:ایرانی سپاہ پاسداران کے سربراہ کا نے کہا کہ خطے میں بیرونی طاقتوں کی موجودگی اور مداخلت ہرگز برداشت نہیں کی جائے گی۔

ایران کی سپاہ پاسداران کے کمانڈر انچیف جنرل حسین سلامی نے بندر عباس میں سپاہ پاسداران کے بحری بیڑے میں دفاعی اور جنگی صلاحیت کی حامل نئی کشتیوں کے الحاق کے سلسلے میں ہونے والی تقریب سے خطاب کے دوران کہا کہ اسلامی جمہوریہ ایران کی قومی سلامتی کی حدود وہاں تک ہیں جہاں تک ہمارے مفادات پھیلے ہوئے ہیں۔

انہوں نے زور دے کر کہا کہ بین الاقوامی پانیوں میں ہماری موجودگی کا پیغام سلامتی، امن اور ہمسایہ ممالک کے ساتھ بھائی چارہ ہے جبکہ خطے میں بیرونی طاقتوں کی موجودگی قابل برداشت نہیں ہے، غاصب صہیونی ریاست ایک بغیر جڑوں والے درخت کی طرح ہے جو اپنا انتظام چلانے کی صلاحیت بھی نہیں رکھتی۔

جنرل سلامی کہا کہنا تھا عالمی نظاموں میں کمزور طاقتوں کی کوئی گنجائش نہیں ہے لہذا تمام شعبوں میں طاقتور بننے کے سوا کوئی چارہ نہیں ہے، ان کا کہنا تھا کہ دشمن نے اپنے تمام حربے استعمال کئے تا کہ اسلامی جمہوریہ ایران کو اقتصادی، سیاسی، عسکری اور ابلاغیاتی پابندیوں میں جکڑ سکے تاہم ہم ان تمام دشمنیوں کے باوجود آج دنیا میں سربلند ہیں۔

سپاہ پاسداران کے سربراہ نے مزید کہا کہ آج اسلامی جمہوریہ ایران عالمی اور خطے کی سطح پر ایک طاقت کے طور پر جانا جاتا ہے جس کا انکار نہیں کیا جاسکتا۔