خطے سے امریکی فوجی دستوں کا انخلاء

سچ خبریں: امریکی نشریاتی ادارے این بی سی نیوز کے مطابق امریکی فوج نے مشرق وسطیٰ کے مختلف علاقوں میں اپنی فوجیوں کی موجودگی کم کر دی ہے جبکہ امریکی محکمہ خارجہ نے بھی کئی سفارت خانوں میں عملے کی تعداد مزید کم کرنے کا حکم دیا ہے۔

این بی سی نیوز کے مطابق امریکی محکمہ خارجہ نے بھی مشرق وسطیٰ میں واقع اپنے کئی سفارت خانوں میں عملے کی تعداد مزید کم کرنے کا حکم جاری کیا ہے۔ محکمہ خارجہ نے یہ بھی اعلان کیا ہے کہ سعودی عرب میں تعینات ان سرکاری ملازمین اور ان کے اہل خانہ کے انخلا کا حکم دیا گیا ہے جن کے فرائض ہنگامی مشنز کے زمرے میں شامل نہیں آتے۔

ادھر امریکی محکمہ خارجہ کے ترجمان نے خبر رساں ایجنسی روئٹرز کی اس رپورٹ کو غلط قرار دیا ہے جس میں کہا گیا تھا کہ واشنگٹن خلیج فارس کے کنارے واقع ممالک میں اپنے سفارت خانوں سے عملے کے انخلا کا حکم دینے کا منصوبہ بنا رہا ہے۔

دریں اثنا امریکی نشریاتی ادارے سی این این نے ایک ذریعے کے حوالے سے بتایا ہے کہ مشرق وسطیٰ میں تعینات سفارتی مشنز انصاراللہ کی جانب سے دھمکیوں کے بعد اپنے عملے کی تعداد کم کر رہے ہیں۔