خالد بن سلمان کا سعودی سیاست سے غایب ہونے کا راز

?️ 4 اگست 2022

سچ خبریں:سعودی سوشل صارفین نےسعودی عرب کے نائب وزیر دفاع اور اس ملک کے فرمانروا کے صاحبزادے شہزادہ خالد بن سلمان کی سیاسی منظر نامے میں غیر موجودگی اور امریکی صدر کے استقبال کی تقریب میں یا ولی عہد کے غیر ملکی دوروں میں ان کی عدم موجودگی پر سوال اٹھایا ہے۔
سعودی عرب سے بھاگے ہوئے اس ملک کے اعلی سکیورٹی عہدہ دار سعد الجبری کے بیٹے خالد نے ٹوئٹر پر اپنے اکاؤنٹ پر ایک پوسٹ کرتے ہوئے لکھا کہ شہزادہ خالد بن سلمان کا اس وقت سیاسی منظر سے غائب ہونا انتہائی توجہ کے قابل ہے، وہ نہ بائیڈن کے جدہ کے دورے پر وہاں موجود تھے اور نہ ہی انہیں ولی عہد کے دوروں یا یمن میں جنگ بندی میں توسیع کے لیے جاری مذاکرات میں دیکھا گیا۔

انہوں نے مزید کہا کہ خالد بن سلمان وہ اعلیٰ ترین سعودی عہدہ دار ہیں جنہوں نے حال ہی میں واشنگٹن کا دورہ کیا اور امریکیوں کے مطابق ان کی کوششوں نے بائیڈن کے دورے اور یمن کی جنگ بندی میں اہم کردار ادا کیا۔

واضح رہے کہ خالد بن سلمان آخری سعودی عہدہ دار تھے جنہوں نے یمن میں جنگ بندی میں توسیع پر بات چیت کے لیے گزشتہ مئی میں واشنگٹن کا دورہ کیا تھا، تاہم اس وقت وہ سعودی سیاست کے صفحے سے غائب ہیں۔