مغربی کنارے میں فلسطینی گھروں کی مسماری خطرناک اقدام ہے:حماس

مغربی کنارے میں فلسطینی گھروں کی مسماری خطرناک اقدام ہے:حماس

 حماس نے کہا ہے کہ مغربی کنارے میں فلسطینیوں کے گھروں کی مسلسل مسماری ایک خطرناک اور منظم اقدام ہے جس کا مقصد فلسطینی وجود کو نشانہ بنانا ہے۔

جاری بیان میں کہا گیا کہ مغربی کنارے میں گھروں کی مسماری کا سلسلہ بدستور جاری ہے، جس کی تازہ مثال الخلیل شہر کے جنوب میں ایک رہائشی عمارت کی مسماری ہے، جہاں لوگ آباد تھے۔

حماس کے مطابق یہ اقدامات اجتماعی سزا کی پالیسی کا حصہ ہیں، اور رواں سال کے آغاز سے اب تک تقریباً 55 فلسطینی گھروں کو نشانہ بنایا جا چکا ہے۔ بیان میں کہا گیا کہ یہ کارروائیاں جبری بے دخلی اور الحاق کے منصوبوں کے ساتھ مل کر فلسطینی عوام کے وجود کو ختم کرنے کی کوشش ہیں۔

تنظیم نے زور دیا کہ اس طرح کی پالیسیاں فلسطینیوں کو اپنی سرزمین چھوڑنے پر مجبور نہیں کر سکتیں بلکہ وہ تمام تر دباؤ کے باوجود اپنے وطن میں قائم رہنے کے عزم پر ثابت قدم ہیں۔