حسن نصراللہ کی دھکمیوں کے بعد صیہونی گیس نکالنے کے اپنے منصوبے سے پیچھے ہٹنے پر مجبور

🗓️ 25 جولائی 2022

سچ خبریں:صیہونیوں کا کہنا ہے کہ حزب اللہ کے سکریٹری جنرل سید حسن نصراللہ کی دھمکیوں کی وجہ سے ہمیں گیس کے لیے دوسرے متبادل کے بارے می سوچنا پڑے گا۔
صہیونی اخبار ہارٹیز نے حزب اللہ کی دھمکیوں کا حوالہ دیتے ہوئے اپنی ایک رپورٹ میں لکھا ہے کہ حزب اللہ کے ساتھ کشیدگی میں اضافے نے تل ابیب کو لبنان کے درمیان متنازع سرحدی علاقے میں کریش گیس فیلڈ سے گیس نکالنے سے روک دیا، صہیونی اخبار نے اپنی رپورٹ میں کہا ہے کہ حزب اللہ کے ساتھ کشیدگی میں اضافہ توانائی کی عالمی منڈی کو عارضی طور پر اس گیس کے لیے دوسرے متبادل پر سوچنے پر مجبور کر دے گا جو اس کے میدان سے نکالی جانی تھی۔

اس اخبار نے اپنے عسکری تجزیہ کار آموس ہریل کی تیار کردہ رپورٹ میں پیش گوئی کی ہے کہ صیہونی حکومت اس میدان سے گیس نکالنے کا آغاز ملتوی کر دے گی، جس کا منصوبہ اگلے ستمبر کے لیے بنایا گیا تھا،رپورٹ کے مطابق حزب اللہ کے ساتھ کشیدگی کے اس کے کاروباری میدان کے مستقبل پر اثرات اور نتائج کے بارے میں تشویش نے نہ صرف تل ابیب کو خوفزدہ کیا ہے بلکہ ان یورپیوں کو بھی پریشان کر دیا ہے جنہیں روسی گیس کا متبادل تلاش کرنے کی ضرورت ہے۔

ہارٹیز کے مطابق صیہونی حکومت کی فوجی اسٹیبلشمنٹ شمالی محاذ پر پیش آنے والی صورتحال پر بہت زیادہ توجہ دیتی ہے،اسی تناظر میں یدیت احرونوت اخبار نے بھی خبر دی ہے کہ تل ابیب میں ملٹری اسٹیبلشمنٹ حزب اللہ کے سکریٹری جنرل سید حسن نصر اللہ کی دھمکیوں کو بہت سنجیدگی سے دیکھتی ہے۔