بیس سال کی ناکامیوں سے سبق نہیں سیکھا؛طالبان کا امریکہ سے خطاب

?️ 28 فروری 2022

سچ خبریں:طالبان کے نائب وزیر دفاع نے امریکہ کے ہاتھوں اس ملک کی عوام کے اثاثے ضبط کرنے کی مذمت کرتے ہوئے کہا ہے کہ امریکہ کو بیس سال کی ناکامیوں سے سبق حاصل کرنا چاہیے۔
طالبان کے نائب وزیر دفاع مفتی لطیف اللہ حکیمی نے ایران پریس کو دیے جانے والے اپنے خصوصی انٹرویو میں افغانستان کے اثاثے منجمد کرنے پر امریکہ کی مذمت کی اور کہا کہ امریکیوں نے گذشتہ بیس برسوں کے دوران افغان عوام کو ہر طریقے سے ستایا اور ان سے زور زبردستی کی۔

طالبان کی عبوری حکومت کے نائب وزیر دفاع نے کہا کہ امریکی حکام افغان عوام کے اثاثے منجمد کرنے کے موضوع کو چھپا نہیں سکتے،طالبان حکومت کے نائب وزیر دفاع مفتی لطیف اللہ حکیمی نے افغان فوج کے ڈھانچے کے بارے میں کہا کہ ایک مضبوط فوج کی تشکیل کے لئے نئے معیارات ایجنڈے میں شامل ہیں اور فوج کو پاک صاف اور اقدار کا پابند ہونا چاہئے۔