سچ خبریں:اللولوء نیوز ایجنسی کی رپورٹ کے مطابق ، بحرین کی عوام نے آل خلیفہ حکومت کے جابرانہ اقدامات کی مذمت کرتے ہوئے مظاہرے کیے، بحرین کی الوفاق اسلامی پارٹی نے ایک ٹویٹ میں لکھا ہے کہ بدھ کی رات کے احتجاج کے دوران مظاہرین نے حکومت کے مظالم کے خلاف نعرے لگائے، انہوں نے صیہونی حکومت کے ساتھ اس ملک کےتعلقات کو معمول پر لانے کی شدید مذمت کی۔ مظاہرین نے "فتح تک مزاحمت” ، "تعلقات کو معمول پر لانا ہرگز نہیں” اور "ہم شہدا کے اہل خانہ کی خیر مقدم کرتے ہیں” جیسے نعروں کے ساتھ پلے کارڈ اٹھارکھے تھے۔
بحرین میں 14 فروری 2011 سے آل خلیفہ حکومت کے خلاف عوامی بغاوت دیکھنے کو مل رہی ہے، اس دوران گیارہ ہزار سے زیادہ بحرینی باشندوں کو بے بنیاد الزامات عائد کرکے گرفتار کیا گیا ہے اور متعدد افراد کی شہریت چھین لی گئی ہے،جن کا جرم صرف اتنا ہے کہ وہ اپنے بنیادی حقوق کے خواہاں ہیں نیز آل خلیفہ کو صیہونیوں سے ہاتھ ملانے کے سلسلہ میں انتباہ دیتے ہیں جس کے جرم میں حکومت کارندے ان افراد کے ساتھ غیر انسانی سلوک کرتے ہیں اور ان کے مقدسات کی بے حرمتی کرنے سے بھی گریز نہیں کرتے ہیں ۔
قابل ذکر ہے کہ بحرین کی 14 فروری کی اتحادی تحریک نے ملک کے عوامی انقلاب کی دسویں برسی کے موقع پر گذشتہ روز ایک بیان جاری کیا ، جس میں بحرین میں سیاسی نظام کو یکسر تبدیل کرنے کے لئے تمام گروہوں اور اقوام کے اتحاد پر زور دیا گیا ہے۔
