بائیڈن کا ایک بار پھر چیک اپ، وجہ؟

?️ 29 فروری 2024

سچ خبریں: ریاستہائے متحدہ کے صدر نے کہا کہ وہ آج بدھ کو والٹر ریڈ ملٹری ہسپتال میں چیک اپ کرائیں گے۔

روئٹرز نیوز ایجنسی کی رپورٹ کے مطابق وائٹ ہاؤس کے ایک اہلکار کے مطابق والٹر ریڈ آرمی اسپتال میں امریکی صدر جو بائیڈن کے سالانہ معائنے کی تفصیلات بعد میں شائع کیا جائیں گی،بائیڈن ہیلی کاپٹر کے ذریعے میری لینڈ کے اس اسپتال گئے تھے۔

یہ بھی پڑھیں: بائیڈن کا ہوا سے مصافحہ کرنے کا نیا انداز

یاد رہے کہ بائیڈن کا سالانہ چیک اپ اس وقت ہورہا ہے جب امریکہ کے سابق صدر اور اس ملک کے 2024 کے صدارتی انتخابات میں بائیڈن کے حریف ڈونلڈ ٹرمپ نے کئی بار ان کے بڑھاپے اور تقریر کے دوران طرز عمل کا مذاق اڑایا ہے۔

بائیڈن نے 77 سالہ ٹرمپ کی ذہنی صحت پر بھی تنقید کی ہے،ریپبلکن پارٹی میں ٹرمپ کی حریف اور نومبر کے امریکی انتخابات کی ایک اور امیدوار نکی ہیلی نے بھی کہا ہے کہ ٹرمپ اور بائیڈن دونوں امریکہ کے صدر بننے کے لیے بہت بوڑھے ہیں اور انہیں دماغی صحت کا علمی ٹیسٹ لینا چاہیے!

مزید پڑھیں: جو بائیڈن جسمانی اور ذہنی طور پر صدارت کے قابل نہیں: امریکی عوام

گزشتہ سال بائیڈن کا معائنہ کرنے کے بعد ڈاکٹروں نے کہا تھا کہ وہ صحت مند ہیں اور انہیں اپنے فرائض کی انجام دہی کے لیے کوئی ذہنی پریشانی نہیں ہے۔