ایف بی آئی کارکنوں کے خلاف دھمکیوں میں غیر معمولی اضافہ

?️ 13 اگست 2022

سچ خبریں:امریکی وفاقی پولیس نے کہا ہے کہ وہ اس تنظیم اور اس کے ملازمین کے خلاف دھمکیوں میں غیر معمولی اضافے کی تحقیقات کرے گی۔
امریکی فیڈرل پولیس (ایف بی آئی) نے کہا کہ وہ ڈونلڈ ٹرمپ کی رہائش گاہ کے معائنے کے بعد اس تنظیم کے ملازمین کے خلاف دھمکیوں میں غیر معمولی اضافے کی تحقیقات کر رہی ہے،ایک ذریعے نے سی این این کو بتایا کہ جب سے ایجنسی کی جانب سے مار ایلاگو میں ڈونلڈ ٹرمپ کی رہائش گاہ کی تلاشی لی گئی ہے تب سے ایف بی آئی کے ملازمین اور دفاتر کے خلاف دھمکیوں میں غیر معمولی حد تک اضافہ ہوا ہے ۔

سی این این نے اپنی ایک رپورٹ میں لکھا کہ ٹرمپ کی رہائش گاہ کے معائنے سے متعلق دستاویزات پر دستخط کرنے والے دو اہلکاروں کے نام سوشل میڈیا پر گردش کر رہے ہیں،ایف بی آئی کے ڈائریکٹر کرس رے نے اپنے عملے کو یقین دلانے کے لیے حالیہ دنوں میں ایک کالم میں لکھا ہے کہ ایف بی آئی چوکس ہے اور اگر ضروری ہوا تو حفاظتی اقدامات کو سخت کرنے کے لیے تیار ہے۔

انہوں نے لکھا ہے کہ میں آپ کو یقین دلاتا ہوں کہ اس وقت آپ کی حفاظت اور سلامتی میری ذمہ دار انہوں نے مزید لکھا کہ ہم چوکس ہیں اور ضرورت پڑنے پر اپنے حفاظتی طریقہ کار کو تبدیل کر دیں گے نیز سکیورٹی کا محکمہ بھی اپنے فرائض انجام دے رہا ہے۔