ایران ہر حملے کا بھرپور جواب دے گا:سابق ترجمان امریکی وزارت خارجہ

ایران ہر حملے کا بھرپور جواب دے گا:سابق ترجمان امریکی وزارت خارجہ

 سابق فارسی زبان ترجمان وزارت خارجہ امریکہ، آلن ایر نے ایک برطانوی چینل کو انٹرویو دیتے ہوئے کہا ہے کہ اگر ایران پر حملہ کیا گیا تو وہ اپنی تمام توانائی کے ساتھ جواب دے گا۔

آلن ایر نے اسکائی نیوز سے بات کرتے ہوئے ایران اور امریکہ کے درمیان بڑھتی کشیدگی کے بارے میں کہا: "دونوں طرف تیار ہیں اور دونوں جانتے ہیں کہ دوسرا پوری طرح جنگ کے لیے تیار ہے۔ کوئی بھی فریق جنگ نہیں چاہتا، لیکن دونوں تیاری کر رہے ہیں۔”

انہوں نے زور دیا کہ جنگ شروع کرنا بہت آسان ہے، "ٹرمپ ایک بٹن دبانے سے جنگ شروع کر سکتا ہے، لیکن اسے ختم کرنا کہیں زیادہ مشکل ہے۔

سابق ترجمان نے کہا کہ اسرائیل بھی ممکنہ طور پر ماضی کی طرح کارروائی کا فیصلہ کر سکتا ہے اور امید رکھتا ہے کہ امریکہ اس کی حمایت کرے گا۔ لیکن اس بار فرق یہ ہے کہ ایران نے اپنی بڑی حد تک اسٹریٹجک بازدارندگی کھو دی ہے، اس لیے جواب میں "اپنی پوری طاقت” استعمال کرے گا۔

آلن ایر نے واضح کیا: "ایران کا جواب محدود یا محتاط نہیں ہوگا۔ وہ بھرپور طاقت کے ساتھ حملہ کرے گا اور اس کے اہداف وسیع ہوں گے۔ ایران اپنی اسٹریٹجک بازدارندگی کو بحال کرنے کے لیے ہر ممکن کوشش کرے گا۔”

انہوں نے مزید کہا کہ ایرانی قیادت جانتی ہے کہ بغیر امریکی زمینی افواج کے، واشنگٹن صرف فضائی کارروائی سے حکومت تبدیل نہیں کر سکتا۔ ایرانی مظاہرہ کر چکے ہیں کہ وہ حملے کو برداشت کر سکتے ہیں، اور اگر ان پر حملہ ہوا تو وہ اتنا نقصان پہنچائیں گے کہ امریکہ مجبور ہو کر پسپائی اختیار کرے اور کہے اب کافی ہے۔