ایران میں 3 صیہونی جاسوس گرفتار

🗓️ 22 اپریل 2022

سچ خبریں:ایرانی سلامتی حکام کا کہنا ہے کہ انہوں نے صیہونی جاسوسی ادارے موساد سے وابستہ تین جاسوسوں کو گرفتار کر لیا ہے۔
اسلامی جمہوریہ ایران کے صوبے سیستان و بلوچستان کےانٹیلی جنس آفس نے اعلان کیا ہے کہ بد نام زمانہ صیہونی جاسوسی کے ادارے موساد سے وابستہ تین جاسوسوں کو گرفتار کر لیا گیا، یہ افراد خفیہ معلومات اور دستاویزات کو پھیلانے میں ملوث تھے۔

واضح رہے کہ ایران پر سخت ترین پابندیاں عائد کرنے میں امریکہ کو شکست ہوئی جس کے بعد امریکہ نے ایران کی سلامتی کے خلاف اقدامات کئے، ایران کے خلاف ان اقدامات میں امریکہ،برطانیہ اور اسرائیل نے بڑے پیمانے پر باہمی تعاون کیا۔