ایران سعودی عرب تعلقات کے بارے میں شامی صدر کا اظہار خیال

?️ 2 اکتوبر 2023

سچ خبریں: شام کے صدر نے ایران اور سعودی عرب کے درمیان مفاہمتی معاہدے کا خیرمقدم کرتے ہوئے کہا کہ یہ معاہدہ ایک بہت بڑی کامیابی ہے جو امریکہ کی طرف سے خطے کے ممالک کے درمیان مسائل کو ختم کرنے میں کامیاب رہے گی۔

شام کے صدر بشار الاسد نے چین کے سی سی ٹی وی چینل کو انٹرویو دیتے ہوئے کہا کہ وہ ایران اور سعودی عرب کے درمیان مفاہمت کو ایک عظیم اور غیر متوقع کامیابی سمجھتے ہیں ۔

یہ بھی پڑھیں: کیا ایران اور سعودی عرب کے درمیان ویزوں کی منسوخی ممکن ہے ؟

انہوں نے مزید کہا کہ یہ کامیابی ایک خوبصورت سرپرائز ہے،انہوں نے کہا کہ کیونکہ ہمارے خطے میں یہ مسئلہ (سعودی عرب اور ایران کے درمیان ابہام) چار دہائیوں پرانا یا اس سے کچھ زیادہ ہے۔

شام کے صدر نے کہا کہ امریکہ نے اس طرح کے مسائل پیدا کرنے کے بعد اپنے مفادات کے لیے ان جماعتوں کو بلیک میل اور زیادتی کی لیکن ان مسائل کی قیمت کس نے ادا کی؟ ظاہر ہے انہں ممالک اور اس خطہ نے جہاں یہ ممالک واقع ہیں۔

یاد رہے کہ گزشتہ ہفتے شام کے صدر نے اپنی اہلیہ اور ایک وفد کے ہمراہ چین کا دورہ کیا ، اس دوران انہوں نے اس ملک کے حکام سے ملاقات اور گفتگو کی۔

بشار اسد نے ریاض اور تہران کے درمیان تعلقات کے بارے میں کہا کہ یہ اقدام دونوں فریقوں کے درمیان محض ایک سمجھوتہ سے زیادہ تھا،بات یہ نہیں کہ دونوں فریق ایک دوسرے کے دشمن تھے اور اب دوست بن چکے ہیں، نہیں، ایسا نہیں ہے؛ مسئلہ استحکام کا ہے۔

مزید پڑھیں: صیہونی، ایران اور سعودی کے تعلقات سے لرزہ بر اندام

بشارالاسد نے کہا کہ یہ اس معاملے کا ایک رخ ہے جس کا مشرق وسطیٰ (مغربی ایشیا) کے خطے میں ہم سب پر مثبت اثر پڑے گا کیونکہ یہ ایک ایسا مسئلہ ہے جس کی کئی دہائیوں سے ہم قیمت چکا رہے ہیں، آج ہم اس سلسلے میں آرام محسوس کرتے ہیں۔

انہوں نے کہا کہ جب چین نے اس مفاہمت کا اعلان کیا تو اس کا مطلب یہ ہوا کہ یہ پالیسی عمل پر مبنی ہے نہ کہ صرف مغربی انداز میں الفاظ اور پروپیگنڈے پر، درحقیقت یہ ایک حقیقی سیاسی عمل تھا جس کے نتائج سامنے آئے۔