ایران امریکہ معاہدے سے متعلق تازہ ترین خبریں

سچ خبریں: وائٹ ہاؤس کے ایک اہلکار نے بدھ کے روز ایران اور دیگر خودمختار ممالک کے خلاف امریکی پالیسی کا اعادہ کرتے ہوئے دعویٰ کیا ہے کہ جب تک ایران جوہری معاملات میں (معاہدے کے تحت) اپنی پابندیوں پر کاربند رہے گا، پابندیاں کم کی جائیں گی۔

وائٹ ہاؤس کے اس اہلکار نے تہران کے خلاف اپنی خواہشات کا اظہار کرتے ہوئے مزید کہا کہ امریکہ اس وقت آبنائے ہرمز کے جنوبی ساحل کی نگرانی کر رہا ہے اور یہ بحری ناکہ بندی مؤثر ثابت ہوئی ہے۔ ایران اعلیٰ درجے کے افزودہ جوہری مواد تک رسائی کی کوئی کوشش نہیں کرے گا، اور اگر ایسا کرتا ہے تو اس کے خلاف کارروائی کی جائے گی! انہوں نے دعویٰ کیا کہ ایران کے جوہری تنصیبات کو زبردست نقصان پہنچایا گیا ہے۔

انہوں نے مزید کہا کہ معاہدے پر عملدرآمد کی نگرانی کے لیے ایک عملی طریقہ کار تشکیل دیا گیا ہے جبکہ دونوں فریقین مستقبل میں حتمی معاہدے کے پابند ہیں۔ وائٹ ہاؤس کے اہلکار نے بتایا کہ تہران اور واشنگٹن کے درمیان رابطہ جاری ہے، ممکنہ طور پر گھنٹہ وار یا روزانہ، تاہم دونوں کے درمیان اعتماد اب بھی انتہائی کمزور ہے۔ حتمی معاہدہ اقوام متحدہ کی سلامتی کونسل کی پابند قرارداد کے ذریعے منظور کیا جائے گا۔ انہوں نے کہا کہ سوئس مذاکرات اگلے مرحلے کے لیے انتہائی اہم ہوں گے کیونکہ موجودہ دستاویز صرف فریقین کے ارادوں کی عکاسی کرتی ہے۔ امریکہ اس بات کا پابند ہے کہ معاہدے پر دستخط کے فوری بعد ایران کی تیل برآمدات کے لیے استثنا جاری کر دے گا۔ حتمی معاہدے تک ایران اپنا جوہری پروگرام برقرار رکھے گا اور کوئی نئی پابندیاں عائد نہیں کی جائیں گی۔