ایرانی مسلح افواج کسی بھی جارحیت کا دندان شکن جوا ب دینے کے لیے تیار ہیں:ایرانی صدر

?️ 26 دسمبر 2021

سچ خبریں:اسلامی جمہوریہ ایران کے صدر نے سپاہ پاسداران جانب سے پیغمبر اعظم ؐ کے نام سے کی جانے والی فوجی مشقوں کے سلسلہ میں اظہار کرتے ہوئے کہا کہ ایرانی مسلح افواج دشمن کی کسی بھی جارحیت کا جواب اس طرح دے گی کہ جنگی اکائیاں بدل جائیں گی۔
اسلامی جمہوریہ ایران کے صدر ڈاکٹر سید ابراہیم رئیسی نے پیغمبر اعظمؐ 17 مشق کے کامیاب انعقاد پر تبصرہ کرتے ہوئے کہا کہ دشمن کی کسی بھی جارحانہ کاروائی کو ایرانی مسلح افواج کا منہ توڑ جواب کا سامنا ہوگا جو اسٹریٹجک معاملوں کو نمایاں طور پر تبدیل کرے گی۔

رپورٹ کے مطابق ڈاکٹر سید ابراہیم رئیسی نے آج بروز ہفتے کو حضرت عیسی ؑکے یوم ولادت کے موقع پر مبارکباد دیتے ہوئے کہا کہ حضرت عیسیٰ علیہ السلام ظالموں اور جابروں کے خلاف مزاحمت کے پیغمبر تھے اور یہ ایک بہت بڑا سبق ہے جسے ہر ایک کو سیکھنا ہوگا۔

ایرانی سپریم نیشنل سکیورٹی کونسل کے چیئرمین نے ایرانی قوم اور خطے کی قوموں کی سلامتی کے بیک وقت تحفظ میں پاسداران انقلاب اسلامی کی کوششوں کو سراہتے ہوئے پیغمبر اعظمؐ 17 مشق کو ایرانی قوم کے مفادات اور سلامتی کے دفاع کے لیے اسلامی جمہوریہ ایران کے عزم اور صلاحیت کی واضح علامت قرار دیا۔

ایرانی صدر نے پیغمبر اعظمؐ 17 مشق کے کامیاب انعقاد پر تبصرہ کرتے ہوئے کہا کہ دشمن کی کسی بھی جارحانہ کاروائی کو ایرانی مسلح افواج کا منہ توڑ جواب کا سامنا ہوگا جو اسٹریٹجک معاملوں کو نمایاں طور پر تبدیل کرے گی۔