اگر میں وزیراعظم ہوتا تو کیا کرتا:صیہونی حزب اختلاف کے سربراہ

?️ 28 اپریل 2024

سچ خبریں: صیہونی حزب اختلاف کی تحریک کے سربراہ نے غزہ جنگ کے حوالے سے اس ریاست کے وزیر اعظم کی کارکردگی پر تنقید کی۔

الجزیرہ نیوز چینل کی رپورٹ کے مطابق صیہونی حکومت کے ریڈیو نے اس حکومت میں حزب اختلاف کی تحریک کے سربراہ یایر لاپڈ کے حوالے سے کہا ہے کہ اسرائیلیوں کے فائدے کے لیے غزہ کی پٹی سے ہمارے قیدیوں کی واپسی کے بغیر رفح میں فوجی آپریشن کو انجام دینا ناممکن ہے۔

یہ بھی پڑھیں: رفح پر حملے کے حوالے سے امریکہ اور صیہونی حکومت کے درمیان گہرے اختلافات

انہوں نے مزید کہا کہ ہر روز ہم اس انتظار میں رہتے ہیں کہ ایک کے بعد ایک مزید قیدی مارے جائیں گے۔

لاپڈ نے مزید کہا کہ اگر میں وزیر اعظم ہوتا تو میں قیدیوں کی واپسی کے بدلے میں رفح شہر میں فوجی آپریشن منسوخ کر دیتا۔

انہوں نے کہا کہ اگر نیتن یاہو کی کابینہ کے سخت موقف نہ ہوتے تو دسمبر میں ایک معاہدے پر دستخط ہو سکتے تھے۔

صیہونی حکومت کے سابق وزیر خارجہ Tzipi Livni نے بنیامین نیتن یاہو کی سربراہی میں اس حکومت کی کابینہ کی کارکردگی کو تنقید کا نشانہ بنایا اور اسرائیل کی تباہی کے خلاف خبردار کیا۔

الجزیرہ نیوز چینل کی رپورٹ کے مطابق زپی لیونی نے ایک تقریر میں اعتراف کیا کہ 7 اکتوبر کی جنگ کے آغاز کے بعد نیتن یاہو کی کابینہ کی وجہ سے اسرائیل زوال کی طرف بڑھ رہا ہے۔

مزید پڑھیں: رفح پر حملے کے منصوبے کے بارے میں صیہونی سیاسی حلقوں کا اظہار خیال

حماس پر قابو پانے میں نیتن یاہو کی کابینہ کی نااہلی کا حوالہ دیتے ہوئے، انہوں نے کہا کہ نتن یاہو نے داخلی سلامتی کے وزیر اتمار بن گوئیر اور وزیر خزانہ اسموٹریچ کی موجودگی کی وجہ سے حماس کی جگہ لینے کا کوئی حل نہیں نکالا ہے اور اس سے جنگ کے خاتمے میں تاخیر ہوئی ہے۔