امریکی پولیس کا گھٹنہ اس بار 12 سالہ لڑکی کی گردن پر

?️ 20 مارچ 2022

سچ خبریں:امریکی ریاست وسکونسن کے ایک اسکول میں ایک امریکی پولیس افسر نے 12 سالہ طالبہ کو تشدد کا نشانہ بناتے ہوئے گرفتار کیا۔
ایسوسی ایٹڈ پریس کے ٹیلی ویژن چینل کی رپورٹ کے مطابق شان گیٹشو نامی امریکی پولیس افسر نے جب دو طالبات کو دوپہر کے کھانے پر لڑتے ہوئے دیکھا تو اس نے ایک لڑکی کا سر ٹیبل پر مارا اور طالبہ کو زمین پر پٹخ دیا اور تیس سیکنڈ تک اس کے گلے پر گھٹنہ رکھ کر ہاتھوں میں ہتھکڑیاں لگا کر گرفتار کر لیا۔

رپورٹ کے مطابق یہ واقعہ کینوشا وسکونسن کے ایک اسکول میں ہوا رپورٹ کے مطابق اسکول کے حکام نے اس طالب علم کی پرتشدد حراست کی سی سی ٹی وی تصویر شائع کی ہے،دریں اثنا، لڑکی کے والد جیریل پیریز نے افسر پر ایک ایسے اقدام کے استعمال پر مقدمہ دائر کیا ہے جس پر وسکونسن میں قانون نافذ کرنے والے افسران نے گزشتہ سال پابندی عائد کر دی تھی۔

انہوں نے کہا کہ ان کی بیٹی کا علاج چل رہا ہے اور وہ اپنے زخموں کے لیے نیورولوجسٹ کی زیر نگرانی ہے۔

یادرہے کہ امریکی پولیس نے اس سے قبل سیاہ فام امریکی جارج فلائیڈ کے کو حراست میں لینے کے لیے اس طرح کے پرتشدد طریقے استعمال کیا تھا جس کے نتیجہ میں اس کی موت ہوگئی۔