امریکہ کی سب غلط فہمیاں دور کردیں گے: حزب اللہ

?️ 15 مارچ 2022

سچ خبریں:لبنان کی حزب اللہ تحریک کی انتظامی کونسل کے سربراہ نے کہا کہ یہ تحریک پارلیمانی انتخابات کے دوران مزاحمت کے دشمنوں کو مایوس کرے گی۔
لبنانی تحریک حزب اللہ کی ایگزیکٹو کونسل کے چیئرمین ہاشم صفی الدین نے پیر کے روز اس بات پر زور دیا کہ روس اور یوکرین کے بحران کے خطرناک اور تباہ کن اقتصادی نتائج ہوں گے اور قحط کا باعث بنیں گے۔

صفی الدین نے العہد نیوز ایجنسی کو بتایا کہ یوکرین روس بحران کے اقتصادی نتائج لبنان کے لیے بہت زیادہ ہوں گے کیونکہ لبنان اقتصادی طور پر ایک کمزور ملک ہے اور اسے بہت بڑے بحران کا سامنا ہے،انہوں نے مزید کہا کہ لبنان کی 90% ضروریات بیرون ملک سے پوری کی جاتی ہیں لہذا لبنانی حکام اور حکومت کو خوراک، ادویات اور توانائی کے لیے ہنگامی حالت کا اعلان کرنا چاہیے، چاہے انتخابی موقف میں اختلافات ہی کیوں نہ ہوں۔

صفی الدین نے اس بات پر زور دیتے ہوئے کہ حزب اللہ پارلیمانی انتخابات کے دوران مزاحمت کے دشمنوں کو مایوس کر دے گی، کہا کہ حزب اللہ امریکہ کی سب غلط فہمیوں کو دور کر دے گی، اس حوالے سے حزب اللہ کی انتظامی کونسل کے نائب سربراہ علی دعموش نے حال ہی میں کہا تھا کہ پارلیمانی انتخابات میں مزاحمت کو ختم کرنےکے منصوبے کا مقابلہ انتخابات میں زیادہ سے زیادہ شرکت کے ساتھ کیا جائے گا۔