امریکہ کا لبنان کو دھوکہ

🗓️ 5 جولائی 2022

سچ خبریں:لبنان کی وزارت توانائی کا کہنا ہے کہ امریکیوں نے مصری گیس کی لبنان منتقلی کے حوالے سے ان کے ساتھ کیے گئے سابقہ معاہدوں کی خلاف ورزی کی ہے۔
المنار چینل کی رپورٹ کے مطابق بیروت میں امریکی سفیر ڈوروتی شیا نے اس ملک کے وزیر توانائی ولید فیاض کو مصر کی گیس لبنان منتقل کرنے کے معاہدے پر دستخط کرنے پر مبارکباد پیش کی، رپورٹ کے مطابق لبنان کی وزارت توانائی کے بعض ذرائع کا کہنا ہے کہ شیا نے فیاض کو بتایا کہ وہ مصر کے ساتھ طے پانے والے گیس معاہدے کا جائزہ لیں گی تاکہ اس بات کو یقینی بنایا جا سکے کہ متعلقہ کمپنیاں اور ادارے امریکی پابندیوں کی فہرست میں شامل نہیں ہیں۔

امریکی سفیر نے یہ بھی کہا کہ لبنان کو مالی امداد میں داخل ہونے سے پہلے اصلاحی اقدامات پر عمل درآمد کرنا چاہیے جبکہ بعض ذرائع کے مطابق یہ امریکی درخواست اس معاہدے کے خلاف ہے جو پہلے امریکہ کے ساتھ طے پایا تھا، اور لبنان کو پہلے مالی تعاون شروع کرنا چاہیے تھی اس کے بعد اصلاحی اقدامات کرنا تھے۔

یاد رہے کہ ان اقدامات میں لبنانی حکومت کی جانب سے بجلی کے نرخوں میں اضافے کے حوالے سے واضح فیصلہ کو اپنانا ہے تاکہ اس بات کو یقینی بنایا جا سکے کہ جمع شدہ محصولات کے ذریعے وزارت توانائی اور بجلی کمپنی کے قرضے واپس کیے جائیں گے۔