امریکہ پر بھروسہ کرنا بہت بڑی غلطی ہے: افغان نیشنل کانگریس پارٹی کے سربراہ

🗓️ 27 فروری 2022

سچ خبریں:افغان نیشنل کانگریس پارٹی کے سربراہ نے یوکرائن میں پیش آنے والی صورتحال کا ذکر کرتے ہوئے کہا کہ امریکہ کی قیادت میں سامراج پر اعتماد کرنا بہت بڑی غلطی ہے۔
افغان نیشنل کانگریس پارٹی کے رہنما عبداللطیف پدرام نے یوکرائن کے بحران پر ردعمل میں کہاکہ امریکہ کی قیادت میں سامراج پر بھروسہ کرنا بہت بڑی غلطی ہے،یہ ایک ایسی غلطی ہے جو ہر بار دہرائی جاتی ہے جس کی ایک مثال افغانستان اور اب یوکرائن ہے۔

یادرہے کہ عبداللطیف پدرام نے پہلےبھی کہا تھا کہ قابض اور استعماری طاقتیں ہم سے اور ہمارے خطے سے اتنی آسانی سے دستبردار نہیں ہونے والی جبکہ نیو لبرل ازم، جس میں امریکہ سرفہرست ہے، دنیا کے سنگین اور منافع بخش بحرانوں میں ملوث ہے، خاص طور پر ہمارے خطے اور تہذیب کے دائرے میں۔

انہوں نے کہاکہ ہمیں محتاط رہنا چاہیے کہ استحصال، استعمار اور قبضے کے خلاف جدوجہد میں ثانوی مسائل کو اٹھا کر سماجی، انسانی اور طبقاتی انصاف کو پس پشت نہ ڈالیں،پدرام نے افغانستان میں بحران پیدا کرنے کے لیے واشنگٹن کی کوششوں پر زور دیتے ہوئے کہا کہ صورتحال کی سنگینی اور خطے میں امریکہ اور اس کے اتحادیوں کے مذموم منصوبوں کے پیش نظر، ہمیں چوکنا رہنا چاہیے۔