امارات کے کرائے کے فوجیوں کی حضرموت اور المہرہ سے انخلاء کی مخالفت 

سچ خبریں: امارات سے وابستہ جنوبی یمن کی عبوری کونسل نے واضح کردیا ہے کہ وہ یمن کے جنوبی صوبوں حضرموت اور المہرہ سے اپنی فوجیں واپس نہیں بلھائے گی۔

اطلاعات کے مطابق، عبوری کونسل نے حال ہی میں حضرموت میں اپنی موجودگی اور اثر و رسوخ کو مضبوط کرنے کے لیے وسیع پیمانے پر فوجی ساز و سامان بھیجا ہے۔

یہ اعلان ایسے وقت میں سامنے آیا ہے جب یمن کے حوالے سے ریاض اور ابوظبی کے درمیان اختلافات میں تیزی آئی ہے۔ سعودی اتحاد نے جنوبی یمن کی عبوری کونسل کے لیے اماراتی اسلحے کی ترسیل کو ہوائی حملے کا نشانہ بنایا تھا۔ اس کے بعد سعودی عرب نے امارات کو 24 گھنٹے کا الٹی میٹم دیا تھا کہ وہ جنوبی یمن کے علیحدگی پسندوں کی حمایت کی وجہ سے اپنی فوجیں واپس بلھا لے۔ امارات کے دفاعی وزارت نے ایک بیان جاری کرتے ہوئے کہا تھا کہ ابوظبی کی خواہش پر ان فوجیوں کا مشن ختم ہو گیا ہے۔

سعودی عرب کے سرکاری ٹیلی ویژن نے گذشتہ روز سوشل میڈیا پلیٹ فارم ‘ایکس’ پر ایک پوسٹ میں کہا کہ سال ختم ہونے سے ایک دن پہلے، اتحاد نے یمن میں امارات کا معاملہ بند کر دیا۔

گذشتہ سالوں میں جنوبی یمن سعودی عرب اور امارات کے درمیان سیاسی اور فوجی اثر و رسوخ کے لیے سخت مقابلے کا میدان رہا ہے۔ امارات نے جنوبی یمن کی عبوری کونسل نامی فورسز کی حمایت کے ذریعے حضرموت اور المہرہ میں اپنی موجودگی مضبوط کی ہے۔ یہ مقابلہ مختلف فریقوں کے درمیان کشیدگی اور بعض اوقات تصادم کا باعث بنا ہے، جس سے یمن میں استحکام اور سیاسی بحران کے حل کا عمل مزید پیچیدہ ہو گیا ہے۔