اقوام متحدہ نے صیہونی جارحیت پر کیا ردعمل دکھایا؟

?️ 10 اکتوبر 2023

سچ خبریں: اقوام متحدہ کے سکریٹری جنرل انتونیو گوٹیرس نے پیر کے روز کہا کہ غزہ کی پٹی کو خوراک اور بنیادی سہولیات سے محروم رکھنا قابل قبول نہیں ہے۔

اقوام متحدہ کے سکریٹری جنرل انتونیو گوٹیرس نے صیہونی حکومت کی طرف سے غزہ کی پٹی کو مکمل طور پر گھیرے میں لینے کے فیصلے پر ردعمل کا اظہار کیا۔

یہ بھی پڑھیں: غزہ آپریشن میں اسرائیلی فوج کہاں تھی؟

انہوں نے ایک بیان میں اعلان کیا کہ غزہ کی پٹی کے رہائشیوں کے لیے خوراک اور بنیادی خدمات کی فراہمی بند کرنا ناقابل قبول ہے، ہم مطالبہ کرتے ہیں کہ غزہ کی پٹی میں انسانی امداد بھیجی جائے۔

قابل ذکر ہے کہ صیہونی وزیر جنگ یواف گیلنٹ نے غزہ کی مکمل ناکہ بندی کا حکم دیا ہے، صیہونی حکومت کے وزیر جنگ نے فلسطینی مجاہدین کے خلاف ناکامیوں کے بعد غزہ کی پٹی کو مکمل طور پر فوجی محاصرے میں لینے کا حکم دیا ہے۔

بعض فلسطینی ذرائع نے اطلاع دی ہے کہ غزہ کی پٹی میں پانی اور بجلی کو مکمل طور پر منقطع کرنے کا جارحانہ حکم بھی جاری کیا گیا ہے تاکہ اس حربے کو استعمال کرتے ہوئے فلسطینی مجاہدین کو مقبوضہ علاقوں میں اپنی پیش قدمی روکنے پر مجبور کیا جائے۔

واضح رہے کہ حالیہ دنوں میں فلسطینی مزاحمت کاروں نے فلسطینی قیدیوں کے خلاف صیہونی حکومت کی جاری جارحیت نیز مسلمانوں کے قبلہ اول مسجد الاقصیٰ پر شدید حملوں کے جواب میں غزہ کے گرد فوجی آپریشن کیا جس کے دوران سینکڑوں صیہونی ہلاک اور زخمی ہوئے۔

مزید پڑھیں: غزہ پر صیہونی حملوں میں شہید اور زخمی ہونے والوں کی تعداد

اس کارروائی کے جواب میں صیہونی حکومت نے ایک بار پھر غزہ میں شہری اہداف پر اپنے وحشیانہ حملے کر کرکے اب تک سینکڑوں فلسطینی خواتین اور بچوں کو شہید کر دیا ہے۔