بین الاقوامی اداروں کی غزہ میں جنگ بند کرنے کی درخواست

?️ 4 نومبر 2023

سچ خبریں: اقوام متحدہ سے متعلقہ تنظیموں نے غزہ کی پٹی میں جنگ روکنے کا مطالبہ کیا۔

مرکزاطلاعات فلسطین کی رپورٹ کے مطابق اقوام متحدہ سے وابستہ اداروں نے ایک مشترکہ بیان میں غزہ کی انسانی صورتحال پر تنقید کرتے ہوئے اس پٹی میں جنگ کے خاتمے کا مطالبہ کیا۔

اس بیان میں کہا گیا ہے کہ غزہ کے آدھے سے زیادہ باشندوں کو کافی پانی اور خوراک تک رسائی کے بغیر UNRWA کی رہائش گاہوں میں مشکل اور افسوسناک حالات میں جگہ دی گئی ہے۔

یہ بھی پڑھیں: غزہ کے خلاف صیہونی جارحیت صحافیوں کے لیے کیسی ہے؟

مذکورہ بیان کے مطابق اسرائیلی بمباری سے ماؤں اور نومولود بچوں کے لیے صحت کی خدمات بند ہو گئی ہیں۔

اس بیان پر دستخط کرنے والوں نے آخر میں یہ بھی کہا کہ غزہ میں پانی اور خوراک کی کمی بھوک اور غذائی قلت نیز متعدی بیماریوں کے پھیلاؤ کا سبب بنی ہے۔

انہوں نے کہا کہ غزہ میں فوری طور پر انسانی بنیادوں پر جنگ بندی کا اعلان کرنے کی اشد ضرورت ہے تاکہ اس علاقے کے مکینوں کی تکالیف اور مصائب کو کم کیا جا سکے۔

دوسری جانب صیہونی چینل 14 کے فوجی نمائندے نے ایک رپورٹ میں کہا ہے کہ ہماری فوج غزہ کے اندر لڑ رہی ہے اور اس جنگ میں ہم اپنے فوجیوں کو کھو رہے ہیں لیکن اب تک راکٹ حملے اور مقبوضہ علاقوں میں مسلح افراد کا داخلہ جاری ہے تو ہماری فوج غزہ کے اندر کیا کر رہی ہے؟!

نیز صیہونی چینل 13 کے سروے سے پتہ چلتا ہے کہ 56 فیصد اسرائیلی نیتن یاہو کے جنگ کے انتظام پر اعتماد نہیں کرتے۔

غزہ میں فلسطینی وزارت صحت کے ترجمان اشرف القدرہ نے بھی اس بات پر زور دیا کہ ہم زخمیوں کے باہر نکلنے کو یقینی بنانے کے لیے محفوظ راستہ بنانا چاہتے ہیں۔

اس فلسطینی عہدیدار کے مطابق صیہونی حکومت جان بوجھ کر زخمیوں کو لے جانے والی ایمبولینسوں کو نشانہ بناتی ہے اور اسرائیلی طیارے لمحہ بہ لمحہ ان قافلوں کا پیچھا کرتے رہتے ہیں۔

مزید پڑھیں: صیہونی جارحیت میں امریکی کردار؛ اقوام متحدہ کے سابق عہدیدار کی زبانی

غزہ میں فلسطینی وزارت صحت کے ترجمان نے بھی دنیا کو مخاطب کرتے ہوئے کہا کہ دنیا کو اس جرم اور ان حقائق کے سامنے خاموش نہیں رہنا چاہیے

انہوں نے کہا کہ ایمبولینسوں پر بمباری ایک دانستہ جرم ہے اور ہم عالمی برادری سے مطالبہ کرتے ہیں کہ وہ اس سلسلے میں اپنی ذمہ داری پوری کرے۔