افغانستان کے ایک قصبے پر طالبان کا قبضہ

?️ 12 مئی 2021

سچ خبریں:افغانستان میں طالبان نے دارالحکومت کابل سے 30 کلومیٹر دور نرخ قصبے پر قبضہ کر لیا ہے۔
افغانستان کے صوبہ میدان وردک کے گورنر عبدالرحمن طارق نے بدھ کے روز ایک بیان میں کہا ہے کہ دارالحکومت کابل سے 30 کلومیٹر دور نرخ قصبےپر طالبان نے قبضہ کر لیا ہے، افغانستان کے صوبہ میدان وردک کے گورنر ، نے یہ کہتے ہوئےکہ کل شام کو طالبان عسکریت پسندوں نے نرخ قصبے پر حملہ کیا ہے ، کہاکہ اس حملے کے بعد سکیورٹی فورسز پیچھے ہٹ گئیں اور اب خطے کا مرکز طالبان کے زیر قبضہ ہے۔

دریں اثنا ، افغانستان کی وزارت دفاع نے اعلان کیا ہے کہ قصبے کو دوبارہ اپنےقبضے میں لینے کے لیے ایک آپریشن شروع کیا جائے گا، طالبان نے علاقے کے وسط سے باہر پولیس چوکی کو بھی کنٹرول کرنے کا دعوی کیا ہے۔

یادرہے کہ اس سے قبل طالبان نے عید الفطر کے موقع پر افغانستان میں تین روزہ جنگ بندی کا اعلان کیا تھالیکن طالبان کے ترجمان نے کل کہا تھا کہ بڑے اہداف پر کوئی معاہدہ نہیں ہوا ہے اور مذاکرات میں کوئی پیشرفت نہیں ہوسکی ہے لہذا وہ عید الفطر کے بعد افغان حکومت کے ساتھ جنگ بندی میں توسیع نہیں کرنا چاہتے تھے۔