اسرائیل کے ایران پر حملوں میں ہمارا کوئی کردار نہیں:فرانس

سچ خبریں:فرانسیسی صدر امانوئل ماکرون نے واضح کیا کہ ان کا ملک اسرائیل کے ایران پر حالیہ حملوں میں شریک نہیں تھا،انہوں نے ایران کے یورینیم کی افزودگی کو تشویشناک قرار دیتے ہوئے خلیج میں امن کی ضرورت پر زور دیا۔

الجزیرہ نیوز چینل کی رپورٹ کے مطابق فرانس کے صدر امانوئل ماکرون نے ایران پر اسرائیلی حملوں پر ردعمل دیتے ہوئے کہا ہے کہ فرانس ان حملوں میں شامل نہیں تھا،رپورٹ کے مطابق، ماکرون نے وضاحت کی کہ ہم اسرائیل کے ایران پر حملوں میں شرکت نہیں کر رہے۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

تاہم، انہوں نے ایران کے جوہری پروگرام پر تنقید کرتے ہوئے دعویٰ کیا کہ ایران نے یورینیم کو اُس حد سے چالیس گنا زیادہ افزودہ کیا ہے جو کہ بین الاقوامی سطح پر مقرر کی گئی تھی،فرانسیسی صدر نے مشرق وسطیٰ میں امن کی کوششوں پر زور دیتے ہوئے کہا کہ ہم خلیج میں امن و سلامتی کے قیام کے لیے کوشاں ہیں۔

مزید پڑھیں:اسرائیلی حملے کی مذمت کرنے والے ممالک 

انہوں نے مزید دعویٰ کیا کہ ہم ایسے دنیا میں نہیں جی سکتے جہاں ایران کے پاس ایٹمی ہتھیار ہوں،عالمی جوہری ادارے (آئی اے ای اے) کی حاصل کردہ معلومات ایران کے جوہری پروگرام کے بارے میں تشویشناک ہیں۔ ایران نے یورینیم کو اُس سطح تک افزودہ کیا ہے جو ایٹمی ہتھیار بنانے کے لیے استعمال ہو سکتی ہے۔