اسرائیل کو انڈر 20 ورلڈ کپ سے باہر کیا جائے:سینکڑوں انڈونیشین شہری

🗓️ 22 مارچ 2023

سچ خبریں:انڈونیشیا کے دارالحکومت جکارتہ میں سینکڑوں انڈونیشیی باشندوں نے ایک ریلی نکالی اور اپنے ملک کی حکومت سے مطالبہ کیا کہ وہ انڈر 20 ورلڈ کپ چیمپئن شپ میں صیہونی حکومت کی شرکت کو روکے۔

الجزیرہ چینل کی رپورٹ کے مطابق انڈونیشیا کے دارالحکومت جکارتہ میں سینکڑوں انڈونیشی باشندوں نے ایک ریلی نکالی جس میں اپنے ملک کی حکومت سے مطالبہ کیا کہ وہ انڈر 20 فٹ بال ورلڈ کپ میں صیہونی حکومت کی شرکت کو روکے۔

جکارتہ کے مرکز میں مظاہرین نے فلسطین اور اپنے ملک کے جھنڈے اٹھائے ہوئے اللہ اکبر،اسرائیل کو 20 سال سے کم عمر کے ورلڈ کپ سے باہر کرؤ،کے نعرے لگائے، رپورٹ کے مطابق مظاہرین نے اعلان کیا کہ یہ احتجاجی مظاہرے فلسطینیوں کے خلاف برسوں سے جاری غاصبانہ جبر کے جواب میں ہیں۔

واضح رہے کہ مسلم اکثریتی ملک انڈونیشیا اپنے چھ اہم شہروں میں 20 مئی سے 11 جون تک انڈر 20 ورلڈ کپ کی میزبانی کرے گا، یہ ٹورنامنٹ 2021 میں ہونا تھا، لیکن کوویڈ 19 کی وجہ سے اس کا انعقاد نہیں ہو سکا،قابل ذکر ہے کہ انڈونیشیا کے صیہونی حکومت کے ساتھ سرکاری تعلقات نہیں ہیں اور یہ ملک فلسطین کے اہم حامیوں میں سے ایک شمار کیا جاتا ہے ،تاہم اس ملک کے حکام نے کہا ہے کہ حکومت صیہونی حکومت کو ان مقابلوں میں شرکت سے نہیں روکیں گے۔