اسرائیل نسل کشی چھپانے کے لیے صحافیوں کو نشانہ بنا رہا ہے:روسی تجزیہ کار

 اسرائیل نسل کشی چھپانے کے لیے صحافیوں کو نشانہ بنا رہا ہے:روسی تجزیہ کار

 روسی ماہرِ سیاسی و مشرقِ وسطیٰ امور مایس قربانوف کا کہنا ہے کہ اسرائیلی حکومت فلسطینی عوام کے خلاف جاری نسل کشی اور خوفناک مظالم کو چھپانے کے لیے صحافیوں کو دانستہ طور پر نشانہ بناتی ہے۔

رپورٹ کے مطابق قربانوف نے کہا کہ غزہ میں جو کچھ ہو رہا ہے، وہ ناقابلِ بیان ہے۔ یہ ایک کھلی نسل کشی ہے جو پوری دنیا کے سامنے کی جا رہی ہے۔ ان کے مطابق، صہیونی فورسز معصوم شہریوں، بچوں، خواتین اور بزرگوں کے قتلِ عام کو چھپانے کی کوشش میں ایسے صحافیوں کو شہید کر رہی ہیں جو ان کے جرائم کو دنیا کے سامنے بے نقاب کرتے ہیں۔

انہوں نے بتایا کہ الجزیرہ کے صحافی انس الشریف انہی بہادر صحافیوں میں سے ایک تھے جو بمباری اور دھماکوں کے دوران بھی غزہ کے حالات دنیا تک پہنچا رہے تھے۔ مہینوں کی اسرائیلی دھمکیوں کے بعد، انہیں اور ان کے ساتھی محمد قریقع کو غزہ کے الشفا اسپتال کے قریب ایک اسرائیلی حملے میں شہید کر دیا گیا۔

قربانوف نے یاد دلایا کہ اکتوبر 2023 میں اسرائیلی حملے میں الجزیرہ کے سینئر رپورٹر وائل الدحدوح کے اہل خانہ جاں بحق ہوئے، اور کچھ ہفتوں بعد ایک اور حملے میں وہ خود زخمی ہو گئے، جس میں کیمرہ مین سامر ابو دقہ شہید ہوئے۔

ان کا کہنا تھا کہ اسرائیل غیر ملکی صحافیوں کا غزہ میں داخلہ ممنوع کر چکا ہے اور مقامی صحافیوں کو براہِ راست نشانہ بنا رہا ہے تاکہ سچائی کی آواز کو خاموش کیا جا سکے۔

غزہ کے محکمہ اطلاعات کے مطابق، اسرائیلی جارحیت کے دوران اب تک 237 صحافی شہید ہو چکے ہیں۔

ایران کے وزیرِ خارجہ سید عباس عراقچی نے سوشل میڈیا پلیٹ فارم ایکس پر ردعمل دیتے ہوئے کہا کہ اسرائیل کا یہ طرزِ عمل اس کی طاقت نہیں بلکہ عالمی سطح پر اس کی تنہائی اور خوف کی نشانی ہے۔ ان کے بقول، جب یہ مظالم ختم ہوں گے تو دنیا کو مغربی حکومتوں کی اس مجرمانہ خاموشی اور شراکت یاد رہ