اسرائیل جنوب لبنان پر حملے سے بیروت پر زیادہ سے زیادہ دباؤ ڈالنا چاہتا ہے

اسرائیل جنوب لبنان پر حملے سے بیروت پر زیادہ سے زیادہ دباؤ ڈالنا چاہتا ہے

اسرائیلی امور کے ایک تجزیہ کار نے کہا ہے کہ اسرائیل کے جنگی طیاروں کی جنوبی اور مشرقی لبنان میں عین الحلوہ کیمپ اور بقاع علاقے پر حملوں کا مقصد لبنان کی حکومت پر دباؤ ڈالنا اور حزب اللہ کو ہتھیار سے محروم کرنا ہے۔

مہند مصطفی نے الجزیرہ سے بات کرتے ہوئے کہا کہ عین الحلوہ اور بقاع پر اسرائیلی حملوں کی شدت سے ظاہر ہوتا ہے کہ اسرائیل لبنان میں اپنی فوجی کارروائی کو حزب اللہ اور فلسطینی گروہوں کے خلاف ختم کرنے کا ارادہ نہیں رکھتا، بلکہ یہ حملے حکومت لبنان پر زیادہ سے زیادہ دباؤ ڈالنے کے لیے کیے گئے ہیں۔

انہوں نے مزید کہا کہ ایک اور مقصد حزب اللہ کو یہ پیغام دینا ہے کہ ایران کے ساتھ تصادم کی صورت میں وہ مداخلت نہ کرے۔

اسرائیل نے جمعہ کے روز عین الحلوہ کے فلسطینی پناہ گزین کیمپ اور بقاع میں بعلبک شہر کو نشانہ بنایا۔ عین الحلوہ پر حملے میں دو افراد شہید ہوئے، جبکہ بقاع میں چھ افراد، جن میں حزب اللہ کے ایک فوجی اہلکار بھی شامل ہے، ہلاک ہوئے اور بیس دیگر زخمی ہوئے۔

یہ فضائی حملے اپنی شدت، ہلاکتوں کی تعداد اور نشانے کی جگہوں کے لحاظ سے غیرمعمولی اور بیسابقہ ہیں۔