سچ خبریں: بین الاقوامی ہیومن رائٹس واچ نے اعلان کیا ہے کہ صیہونی حکومت نے اب تک غزہ کے عوام پر 2 ایٹمی بموں کے برابر دھماکہ خیز مواد گرایا ہے۔
الجزیرہ چینل کی رپورٹ کے مطابق یورو-میڈیٹیرینین ہیومن رائٹس واچ نے اعلان کیا ہے کہ صیہونی حکومت نے اب تک غزہ کی پٹی پر 2 ایٹمی بموں کے برابر دھماکہ خیز مواد گرایا ہے۔
چند گھنٹے قبل غزہ حکومت کے دفتر اطلاعات نے اعلان کیا تھا کہ صیہونی حکومت نے اس علاقے کے خلاف جارحیت کے آغاز سے لے کر اب تک فلسطینیوں پر ایک ہزار بم گرانے کا اعتراف کیا ہے۔
یہ بھی پڑھیں: حملے کے پہلے دن غزہ کے عوام پر 16 ٹن بم گرائے گئے
غزہ کے اس سرکاری ادارے نے تاکید کی کہ صیہونی قابضین کی طرف سے غزہ کے عوام پر گرائے گئے بموں کا وزن 25 ہزار ٹن سے تجاوز کر گیا ہے۔
اس رپورٹ اور سروے کے مطابق غزہ میں ہر مربع کلومیٹر پر اوسطاً 70 ٹن دھماکہ خیز مواد گرایا کیا گیا ہے۔
اپنے وحشیانہ جرائم اور غزہ کی پٹی کے گنجان آباد جبالیا کیمپ پر بمباری کے صرف ایک واقعے میں صیہونی حکومت نے اس کیمپ میں موجود لوگوں پر 6 بم گرائے جن میں سے ہر ایک کا وزن ایک ٹن تھا۔
مزید پڑھیں: غزہ کی جنگ اسرائیل کے تابوت میں آخری کیل
صیہونی وزیر جنگ یوف گیلنٹ نے بدھ کی شام اعلان کیا کہ غزہ کے خلاف 26 دنوں کی جنگ کے دوران اس علاقے پر 10 ہزار سے زیادہ بم اور میزائل گرائے گئے۔
