اردگان کی ایران امریکہ مذاکرات کے بارے میں پزشکیان سے بات چیت

سچ خبریں:  ترکیہ کے صدر دفتر نے آج پیر کو ایک بیان جاری کرتے ہوئے صدر رجب طیب اردوغان اور ان کے ایرانی ہم منصب مسعود پزشکیان کے درمیان ٹیلی فونی بات چیت کی اطلاع دی ہے۔

ترکیہ کے صدر دفتر کی جانب سے جاری کردہ بیان کے مطابق، اردگان  نے پزشکیان سے ٹیلی فونی گفتگو کے دوران مذاکرات میں رکاوٹیں پیدا کرنے کے خواہش مند عناصر کے خلاف چوکسی برقرار رکھنے کی اہمیت پر زور دیا۔

اس سے قبل ترکیہ کے وزیر خارجہ ہاکن فیدان نے جنوبی کوریا کے ٹی وی چینل جے ٹی بی سی کو دیے گئے ایک انٹرویو میں کہا تھا کہ میں انتہائی پرامید ہوں، کیونکہ میں باقاعدگی سے دونوں فریقین، پاکستانی ثالثی کے ذریعے، اور اس معاملے میں ملوث دیگر علاقائی کھلاڑیوں سے مشاورت کر رہا ہوں۔ ہم ایران اور امریکا کو معاہدے تک پہنچنے میں مدد فراہم کرنے کے لیے ہر ممکن کوشش کر رہے ہیں۔ موجودہ صورتحال میں، اسرائیل کا خیال ہے کہ امریکا اور ایران کے درمیان کوئی بھی معاہدہ، اپنی موجودہ شکل میں، تل ابیب کے مفادات کے منافی ہے۔ اسی لیے وہ مذاکرات کو پٹڑی سے اتارنے یا تخریب کاری کے لیے کوئی کسر باقی نہیں چھوڑ رہا۔