اتوار کو مشرق وسطی کا دورہ پر جاوں گا، غزہ کے لوگ اپنے گھروں میں رہیں گے:ٹرمپ

 اتوار کو مشرق وسطی کا دورہ پر جاوں گا، غزہ کے لوگ اپنے گھروں میں رہیں گے:ٹرمپ

امریکی صدر ڈونلڈ ٹرمپ نے کہا ہے کہ وہ اتوار کے دن مشرق وسطی کا دورہ کریں گے۔ ان کے مطابق، اس سفر کا مقصد اسرائیل اور حماس کے درمیان ہونے والے آتش‌بس معاہدے کے کچھ حصوں پر رسمی دستخط کرنا ہے۔

ٹرمپ نے فن لینڈ کے صدر کے ساتھ ملاقات میں کہا کہ کسی کو بھی غزہ چھوڑنے پر مجبور نہیں کیا جائے گا”۔ یہ بیان اس وقت آیا ہے جب ان پر پہلے غزہ کے لوگوں کو وہاں سے نکالنے کے منصوبے بنانے کا الزام لگایا گیا تھا۔

امریکی صدر نے بتایا کہ انہیں اسرائیل کی پارلیمنٹ (کنست) میں تقریر کے لیے بھی دعوت دی گئی ہے، اور وہ یہ دعوت قبول کریں گے۔ اسرائیلی پارلیمنٹ کے اسپیکر نے ٹرمپ کی تعریف کرتے ہوئے کہا کہ اسرائیل کی قوم انہیں اپنی تاریخ کا سب سے بڑا دوست سمجھتی ہے۔

ٹرمپ نے مزید کہا کہ ان کا مقصد غزہ میں پائیدار امن قائم کرنا ہے۔ ان کے بقول، تمام مغویوں اور قیدیوں کی رہائی اور اسرائیلی فوج کا جزوی انخلا اس معاہدے کے ابتدائی اقدامات میں شامل ہیں۔

فن لینڈ کے صدر الکساندر استوب نے ٹرمپ کی کوششوں کو “تاریخی” قرار دیا اور کہا کہ “یہ معاہدہ سفارت کاری کی بہترین مثال ہے۔ٹرمپ نے اپنی گفتگو کے دوران امریکہ کو دنیا کا سب سے بڑا ملک” کہا اور بتایا کہ ان کا ملک فن لینڈ سے آٗئس بریکر جہاز خریدنے میں دلچسپی رکھتا ہے۔