ابوعبیده اور دیگر کمانڈروں کی شہادت، مزاحمت کے راستے کو نہیں روک سکتی:شیخ ماہر حمود

?️ 1 جنوری 2026

ابوعبیده اور دیگر کمانڈروں کی شہادت، مزاحمت کے راستے کو نہیں روک سکتی:شیخ ماہر حمود

عالمی اتحاد علمائے مزاحمت کے سربراہ شیخ ماہر حمود نے کہا ہے کہ حماس کی جانب سے القسام کے ترجمان ابوعبیده اور دیگر کمانڈروں کی شہادت کی تصدیق کے باوجود مزاحمت کا راستہ متاثر نہیں ہوگا۔ ان کے بقول، یہ ایک دردناک لمحہ ہے لیکن شہداء کا خون آنے والی نسلوں کے لیے تحریک اور ہمت کا ذریعہ ہے۔

خبر رساں ایجنسی شهاب کے مطابق، شیخ ماہر حمود نے کہا کہ مزاحمت کا راستہ قربانیوں سے بھرا ہوا ہے اور کمانڈروں کی کمی یا عزیزوں کی جدائی اس کو نہیں روک سکتی۔ یہ راستہ تباہی، آوارگی اور مسلسل مشکلات کے باوجود جاری رہے گا۔ ان کا کہنا تھا: "کارواں برقرار رہے گا اور سوچ و فکر کبھی ختم نہیں ہوگی۔"

انہوں نے مزید کہا کہ ابوعبیدہ اور دیگر سرفراز کمانڈروں کی شہادت مزاحمت کے پیغام یا آپشن کے خاتمے کا سبب نہیں بلکہ اس کی اہمیت اور بھی بڑھا دیتی ہے۔ ترجمان القسام نے اپنی زندگی میں شعوری جنگ کی علامت کا کردار ادا کیا اور ان کی قربانی عوامی شعور میں ہمیشہ باقی رہے گی۔

شیخ ماہر حمود نے کہا کہ ملتیں چیلنجز اور مشکلات سے گزر رہی ہیں، لیکن ایسے کردار ابھرتے ہیں جو کرامت، پائیداری اور فداکاری کی مثال ہیں۔ یہ لوگ آنے والی نسلوں کے لیے حوصلہ اور اعتماد پیدا کرتے ہیں۔

انہوں نے غزہ کے عوام کی مشکلات، ویرانی اور آوارگی کو شدید درد قرار دیا لیکن کہا کہ یہ ناامیدی کا باعث نہیں بنے گی۔ ان کے بقول، شہداء غائب نہیں بلکہ موجود ہیں، اور ان کی قربانی آئندہ نسلوں کے لیے اخلاقی اور روحانی خزانہ ہے۔ مزاحمت کا راستہ ہر فرد سے بڑی اور ہر لمحے سے مضبوط ہے اور حالات کے باوجود جاری رہے گا۔

القسام کے بیانیہ کے مطابق ابوعبیدہ کے علاوہ محمد السنوار (ابو ابراہیم)، محمد شبانہ (ابو انس) اور حکم العیسی (ابو عمر) بھی شہداء میں شامل ہیں، اور نیا ترجمان القسام بھی متعارف کروا دیا گیا ہے۔