دشمن میڈیا اور مزاحمتی محاذ کے خلاف نفسیاتی جنگ؛ طریقے اور نتائج  

سچ خبریں:عراقی سیاسی تجزیہ نگار نجاح محمد علی نے دشمن میڈیا اور مزاحمتی محاذ اور ایران کے خلاف نفسیاتی جنگ؛ طریقے اور نتائج کے عنوان سے تازہ ترین تجزیہ کیا ہے۔

یہ بھی پڑھیں:اسرائیل کے دفاعی ادارے کے اربوں ڈالر کیسے ضائع ہوئے؟

دشمن میڈیا مزاحمتی محاذ اور اسلامی جمہوریہ ایران کے خلاف منظم حملے جاری رکھے ہوئے ہے،وہ نفسیاتی جنگ کی تکنیکوں کا استعمال کرتے ہوئے حقائق کو مسخ کرنے، عوامی رائے کو گمراہ کرنے اور اپنی طاقت کو بڑھا چڑھا کر پیش کرنے کی کوشش کر رہے ہیں، یہ حملے صرف جعلی خبروں تک محدود نہیں، بلکہ جدید ڈیجیٹل ٹولز کے ذریعے فتنہ پروری اور عوام کے حوصلے پست کرنے پر بھی مشتمل ہیں۔

لیکن دشمن میڈیا کی تمام تر کوششوں کے باوجود، مزاحمتی محاذ  نے ثابت کیا ہے کہ وہ ان چیلنجز کو عوامی بیداری کے مواقع میں تبدیل کر سکتا ہے،طوفان الاقصیٰ، فلسطینی عوام کی افسانوی مزاحمت، اور غزہ سے لے کر صنعاء اور جنوبی لبنان تک جاری عسکری مزاحمت نے ثابت کیا ہے کہ مقاومت صرف ایک ردعمل نہیں، بلکہ ایک جامع حکمت عملی ہے جو عوامی بیداری اور میدانی کارروائیوں پر انحصار کرتی ہے۔

دشمن میڈیا مزاحمتی محاذ کی دفاعی صلاحیتوں کو کم کر کے پیش کرنے کی کوشش کر رہا ہے، خاص طور پر یمن اور ایران پر توجہ مرکوز کرتے ہوئے یہ دعویٰ کرتا ہے کہ:

– صنعاء کو بھاری نقصان پہنچا ہے

– ایران کی میزائیل طاقت کمزور ہوئی ہے

– لبنان اور یمن میں مقاومت کی قوتیں تیار نہیں

– حزب اللہ کے دقیق حملوں نے صیہونیوں کو جھڑپوں کو روکنے پر مجبور کر دیا

– انصاراللہ نے بحیرہ احمر میں امریکی جنگی جہازوں کو نشانہ بنایا

یہ سب ثابت کرتا ہے کہ نئی بازدارندگی کی معادلات تشکیل پارہی ہیں جو استکباری طاقتوں کے لیے چیلنج بن چکی ہیں۔

یمن کی انصاراللہ تحریک نے بحیرہ احمر میں امریکی جنگی جہازوں اور ایئرکرافٹ کیرئیرز کو بالسٹک میزائیلوں سے نشانہ بنانا جاری رکھا ہے۔ یہ حملے امریکہ کی صیہونی حکومت کی حمایت اور یمن پر براہ راست جارحیت کے جواب میں ہیں، جس نے خطے میں امریکی منصوبوں کو شدید نقصان پہنچایا ہے۔

دشمن میڈیا سالوں سے مصنوعی نسلی اور مذہبی اختلافات کو ہوا دے کر خطے میں تقسیم پیدا کرنے کی کوشش کر رہا ہے۔ لیکن فلسطین کے مقصد کے ساتھ عوامی یکجہتی اور ایران اور اس کے اتحادیوں کے درمیان سیاسی و عسکری اتحاد نے ان پالیسیوں کو ناکام بنا دیا ہے۔

حالیہ برسوں میں ایران، روس اور چین نے بڑے بحری مشترکہ مشقوں کا انعقاد کیا ہے، جو ایک واضح پیغام ہے کہ محور مقاومت عالمی حمایت رکھتا ہے اور ایک کثیر قطبی عالمی نظام کی تشکیل میں مصروف ہے۔

مغربی، صیہونی اور غیر ملکی فارسی میڈیا محور مقاومت کو خطے میں عدم استحکام کا ذمہ دار ٹھہراتے ہیں، جبکہ حقیقت یہ ہے کہ استکباری طاقتیں خود اس کی وجہ ہیں:

– غزہ میں صیہونی مظالم کی حمایت

– شام اور عراق میں تکفیری گروہوں کو مسلح کرنا

مغربی اور صیہونی میڈیا کے غلبے کے باوجودمزاحمتی محاذ سے وابستہ میڈیا پلیٹ فارمز دستاویزی رپورٹنگ اور گہرائی کے تجزیوں کے ذریعے دشمن کے جھوٹ کو بے نقاب کرنے میں کامیاب رہے ہیں۔

مطالعات سے پتہ چلتا ہے کہ مزاحمتی محاذ کے خلاف نفسیاتی جنگ کی تکنیکوں، جیسے جعلی خبریں اور معلومات میں ہیرا پھیری، کے بارے میں عوامی بیداری بڑھ رہی ہے۔ یہ بیداری مقاومت میڈیا کی رہنمائی میں پروان چڑھ رہی ہے، جس نے دشمن کے پراپیگنڈے کے اثرات کو کم کر دیا ہے۔

امریکہ اور صیہونی حکومت کی طرف سے مزاحمتی محاذ پر مسلط کی گئی پابندیوں اور دباؤ نے اسے کمزور کرنے کے بجائے خودکفالت اور فوجی و تکنیکی ترقی میں اضافہ کیا ہے۔

حزب اللہ کے میزائیل حملوں نے مقبوضہ فلسطین کے اندرونی علاقوں کو ہلا کر رکھ دیا ہے، جبکہ انصاراللہ نے بحیرہ احمر میں امریکی بحری بیڑے کو نشانہ بنایا ہے۔ یہ کامیابیاں ثابت کرتی ہیں کہ محور مقاومت صرف دفاع تک محدود نہیں، بلکہ ضرورت پڑنے پر حملہ آور کارروائیوں کی صلاحیت بھی رکھتا ہے۔

مزید پڑھیں:مزاحمتی تحریک کو کیا کرنا چاہیے اور عرب ممالک کیا کر رہے ہیں؟ عراقی مزاحمتی تحریک کے ایک عہدیدار کا انڑویو

تمام چیلنجز کے باوجود، مزاحمتی محاذ نہ صرف عسکری بلکہ میڈیا اور سیاسی محاذوں پر بھی اپنی شرائط مسلط کرنے کی صلاحیت رکھتا ہے۔ دشمن میڈیا کے منصوبوں کے انکشاف کے ساتھ ساتھ عوامی بیداری میں اضافہ ہو رہا ہے، اور مقاومت کو قومی خودمختاری اور آزادی کا واحد راستہ سمجھا جانے لگا ہے۔