داعش کے رہنما کے قتل پر الکاظمی کا ردعمل

🗓️ 5 فروری 2022

سچ خبریں:عراقی وزیر اعظم نے داعش کے سربراہ کی ہلاکت کو عراقی سیکورٹی فورسز کی کوششوں کا تسلسل قرار دیا اور اس دہشت گرد گروہ کے خلاف جنگ پر زور دیا

عراقی مسلح افواج کے کمانڈر انچیف اور وزیر اعظم مصطفی الکاظمی نے داعش دہشت گرد گروہ کے سرغنہ عبداللہ قرداش کی ہلاکت کا اعلان کرنے کے بعد کہا کہ اس کی ہلاکت کی کارروائی تمام عراقی سکیورٹی فورسز کی کوششوں کا تسلسل ہے۔

انہوں نے ایک ٹویٹ میں اعلان کیاکہ داعش دہشت گرد گروہ کے سربراہ کا قتل عراق کے اندر خصوصی آپریشن میں داعش دہشت گرد گروہ کے درجنوں لیڈروں اور عناصر کو ہلاک کرنے اور ان کے سینکڑوں کو گرفتار کرنے کے لیے تمام عراقی سکیورٹی فورسز کی عظیم کوششوں کا تسلسل ہےجنہوں نے معلومات کا تجزیہ کرتے ہوئے بالآخر اس تنظیم کے سربراہ کا ٹھکانا تباہ کر دیا ۔

دوسری جانب عراقی جوائنٹ آپریشنز ہیڈ کوارٹر کے ڈپٹی کمانڈر عبدالامیر الشمری نے عراقیوں کو مخاطب کرتے ہوئے ایک بیان میں کہاکہ ہماری سکیورٹی فورسز نے آپ سے عہد کیا ہے کہ وہ دہشت گردی اور ان کی باقیات کا خاتمہ کریں گےنیز داعش گروپ کو ختم کریں گے ۔

انھوں نے کہا کہ مسلح افواج کے کمانڈر انچیف کے حکم اور تمام سکیورٹی گروپوں اور انٹیلی جنس کی کوششوں شرکت سے سکیورٹی فورسز گزشتہ دو ہفتوں کے دوران خصوصی اور مسلسل کاروائیوں میں درجنوں دہشت گردوں کو ہلاک کرنے اور دیگر دہشت گردوں کو گرفتار کرنے میں کامیاب ہوئیں۔

الشمری نے زور دے کر کہا کہ عبداللہ قرداش کا قتل اس منحرف گروہ سےسکیورٹی فورسز کا بدلہ لینے کے لیے کیا گیا۔