حزب اللہ نے صیہونیوں کی زندگیوں کو کیسے مفلوج کیا ؟

سچ خبریں: مقبوضہ علاقوں میں رہنے والے صہیونی باشندے گزشتہ رات خطرے کی گھنٹی کے بجنے اور اس کے بعد انہیں غلطی قرار دیئے جانے پر شدید الجھن کا شکار ہو گئے۔

 اس سے قبل صہیونی فوج نے دعویٰ کیا تھا کہ اس نے لبنان کی طرف سے راکٹ فائر کیے جانے کا مشاہدہ کیا ہے، جس کی وجہ سے داخلی محاذ کی کمانڈ نے مقبوضہ علاقوں کفر گلادی، مرگلیوت، مسگاو عام اور کریات شمونہ کے باشندوں کے لیے فوری طور پر پناہ لینے کے ہدایات جاری کر دیں۔

بعد ازاں صہیونی میڈیا نے رپورٹ کیا کہ راکٹ مقبوضہ علاقوں کی فضائی حدود میں داخل ہی نہیں ہوئے تھے، جس نے اندرونی طور پر تشخیص اور انتباہات کی درستگی پر تنقید کو جنم دے دیا ہے۔ یہ پہلا موقع نہیں ہے جب مقبوضہ علاقوں میں خطرے کے الرٹس غلطی سے بجائے گئے ہوں۔

اس رپورٹ کے مطابق، یہ الجھن دراصل صہیونی حکومت کی اس خوف و ہراس کا نتیجہ ہے جو اسے لبنان کی طرف سے ہونے والی کسی بھی کارروائی یا فائرنگ سے لاحق ہے۔ یہ معاملہ متعدد محاذوں کے دباؤ اور آپریشنل تناؤ کی طرف بھی اشارہ کرتا ہے، جس کے نتیجے میں میزائل اور ڈرون خطرات کا دائرہ وسیع ہو گیا ہے، اور اس سے مبالغہ آمیز تشخیص یا قبل از وقت انتباہات کے امکانات بڑھ جاتے ہیں۔

یہ حقیقت حزب اللہ کو داخلی محاذ میں خلل ڈالنے اور سرحدی علاقوں میں روزمرہ کی زندگی کو مفلوج کرنے کی زیادہ صلاحیت عطا کرتی ہے، یہاں تک کہ جب حملے مقبوضہ علاقوں کو براہ راست نشانہ نہ بنا کر لبنان کے اندر موجود قابض افواج کے خلاف کیے جا رہے ہوں۔