مہوش حیات کی ٹیلی وژن پر واپسی، ڈرامے کا ٹریلر ریلیز

?️

کراچی: (سچ خبریں) مقبول اداکارہ مہوش حیات تقریبا 9 سال بعد چھوٹی اسکرین پر واپسی کے لیے تیار ہیں، ان کے آنے والے ڈرامے کا ٹریلر جاری کردیا گیا۔

گزشتہ برس سے خبریں تھیں کہ مہوش حیات جلد ہی ٹی وی اسکرین پر واپسی کریں گی اور یہ بھی خبریں تھیں کہ وہ احسن خان کے ہمراہ ہی چھوٹی اسکرین پر واپسی کریں گی۔

اب مہوش حیات کے آنے والے ڈراما کا ٹریلر جاری کرتے ہوئے اسے جلد نشر کرنے کا اعلان کردیا گیا۔

’سیونتھ اسکائے‘ پروڈکشن کی جانب سے جاری کردہ ٹریلر میں ڈرامے کا نام نہیں بتایا گیا، تاہم اسے جلد ’جیو ٹی وی‘ پر نشر کرنے کی تصدیق کی گئی۔

فلمی انداز میں بنائے گئے ٹریلر سے عندیہ ملتا ہے کہ شائقین پہلی بار مہوش حیات کو چھوٹی اسکرین پر بڑی اسکرین کی طرح ایکشن میں دیکھیں گے۔

محبت، بدلے، سسپنس اور ایکشن سے بھرپور ڈرامے کی دیگر کاسٹ میں احسن خان، حرا مانی، عثمان پیرزادہ، افشیں حیات، نیر اعجاز، زینب قیوم، اسامہ طاہر، سہیل سمیر، ندا ممتاز، شمیل خان اور زہرہ عامر سمیت دیگر شامل ہیں۔

ڈرامے کی کہانی فاطمہ فیضان اور امبر اظہر نے لکھی ہے جب کہ اس کی ہدایات سراج الحق نے دی ہیں، اسے عبداللہ قدوانی اور اسد قریشی کی جانب سے پروڈیوس کیا گیا ہے۔

مذکورہ ڈرامے کے ذریعے مہوش حیات تقریبا 9 سال بعد ٹی وی پر واپسی کریں گی، ان کا آخری ڈراما ’دل لگی‘ ہمایوں سعید کے ساتھ نشر ہوا تھا۔

اداکارہ نے 2016 کے بعد اگرچہ 2023 میں حسن شہریار یاسین (ایچ ایس وائے) کے ہمراہ ’اجازت‘ نامی ٹیلی فلم میں کام کیا تھا، تاہم اب 9 سال بعد وہ کسی ڈرامے میں دکھائی دیں گی۔

مہوش حیات 2016 کے بعد فلموں اور ویب سیریز میں دکھائی دیں، انہوں نے امریکی سائنس فکشن فیمیل سپر ہیرو ویب سیریز ’مس مارول‘ میں بھی کام کیا جب کہ وہ متعدد گانوں میں بھی دکھائی دیں۔

اب تقریبا 9 سال بعد جلد ہی مہوش حیات کا سسپنس، ایکشن اور رومانس سے بھرپور ڈراما نشر کیا جائے گا۔

مشہور خبریں۔

شام کے معاملے کو حل کرنے کے لیے اردن کی نئی تجویز

?️ 24 مارچ 2023سچ خبریں:اردن کی وزارت خارجہ نے عرب ممالک کی شرکت اور اقوام

صیہونیوں کے ساتھ حالیہ جنگ میں فلسطینی مزاحمت کی کامیابیاں

?️ 10 اگست 2022سچ خبریں:جہاد اسلامی تحریک کے دو رہنماوں نے اس بات پر زور

صیہونی مہنگائی سے پریشان

?️ 17 اگست 2022سچ خبریں:صہیونی معاشرہ روز مرہ کی قیمتوں میں اضافے کی وجہ سے

عربوں نے مشرق وسطیٰ کے لیے اپنا امن منصوبہ یورپ کو دیا: برل

?️ 28 مئی 2024سچ خبریں: جوزپ بریل نے پیر کو ایک تقریر میں کہا کہ عرب

اسرائیل کے حملوں میں لبنان کی قدیم اور تاریخی آثار تباہ

?️ 8 نومبر 2024سچ خبریں: اسرائیلی فضائی حملے میں مشرقی لبنان میں بعلبک کی قدیم

اس سال کے آغاز سے اب تک 151 فلسطینی شہید

?️ 14 ستمبر 2022سچ خبریں:فلسطین کی وزارت صحت نے اعلان کیا ہے کہ اس سال

اڈیالہ جیل کے اطراف سکیورٹی ہائی الرٹ، اضافی ناکے لگ گئے

?️ 18 فروری 2025راولپنڈی: (سچ خبریں) راولپنڈی کی اڈیالہ جیل کے اطراف سکیورٹی ہائی الرٹ

ہم چٹان کی طرح عمران خان  کے ساتھ کھڑے ہیں:شیخ رشید

?️ 13 مارچ 2022(سچ خبریں)اسلام آباد میں ایک تقریب سے خطاب کرتے ہوئے شیخ رشید

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے