معین اختر کا وزیر اعظم  کے ساتھ دلچسپ مکالمہ

🗓️ 24 دسمبر 2021

کراچی (سچ خبریں)پاکستان کے لیجنڈری کامیڈین و معروف اداکار معین اختر اور موجودہ وزیر اعظم کے کے درمیان دلچسپ مکالمے کی ویڈیو وائرل ہوئی ہے جس میں پاکستان کی دو معروف شخصیات معین اختر اور عمران خان کو اپنے حس مزاح کا استعمال کرتے ہوئے دیکھا جا سکتا ہے جسے صارفین نے خوب پسند کیا ہے۔

تفصیلات کے مطابق  پاکستان کے لیجنڈری کامیڈین و معروف اداکار معین اختر  کی 71 سالگرہ کے موقع  پر پاکستان کے موجودہ وزیر اعظم عمران خان کے ساتھ ایک دلچسپ مکالمے کی ویڈیو وائرل ہے جسے انٹرنیٹ صارفین کی جانب سے خوب پسند کیا جا رہا ہے۔

واضح رہے کہ سوشل میڈیا پلیٹ فارم انسٹا گرام پر جاری ویڈیو میں اس انٹرویو کے دوران معین اختر کی جانب سے عمران خان کو اُن کا شادی سے متعلق ایک بیان یاد دلاتے ہوئے پوچھنا ہے کہ ’آپ نے ایک بار کہا تھا کہ پاکستان کی آبادی بہت تیزی سے بڑھ رہی ہے، تو کیا آپ کے شادی نہ کرنے کی یہی وجہ ہے؟

جس پر عمران خان کا شرماتے ہوئے کہنا تھا کہ ’اُن کے خیال میں اگلے دس برسوں کے لیے پاکستان میں شادی پر پابندی عائد کر دینی چاہیے کیوں کہ ایسا کرنے سے پاکستان کی آبادی کنٹرول میں آجائے گی۔